新年收“吉利市”！打工仔惨呻：仲要系老细畀　网民教应该咁做

利利是是变大吉利是！有打工仔发文惨呻新年初次收到“吉利市”，“仲系老细畀嘅”，因多年来从未试过这情况，因此感到不忿，并展示空空如也的利市封。原来不少网民同样收过吉利市，但强调多数是“派者无心”，建议收到吉利是“要（跟对方）讲番，吉封唔利事”、“我有朋友早几年收过一封吉，黑足几年”，又提到许多时新年仍要上班的人较常出现“大头虾”情况，多数一场误会，如果跟对方说明情况，说不定有惊喜“有朋友直接同返派果个讲，即比番2封”。

部份网民则分享“更惨”经历，指老板新年只派金莎朱古力，索性不派开工利市，“有年我收到两封吉，𠮶年由年头黑到年尾，病到入医院”、“以前返工收过客俾（利市），入面得张纸，写住耶稣爱你”。

新年收老板“吉利市”

楼主在facebook群组“相聚一刻70/80/90后。香港人每天开心吹水区”发帖，表示“真系收到封吉利市，仲系老细畀嘅”，称收利市多年从未试过，“而家O嘴兼笠水”。照片所见，利市封内的确空空如也。

不少网民指“大吉利是”，“要讲番，吉封唔利是”、“我有朋友早几年收过一封吉，黑足几年”、“下次真系要玩即场拆利是先搞得掂”、“我以前都收过封吉嘅利是，不过系上司，所以唔好意思问佢攞返”、“我早3年都收到封，又冇乜特别”、“一样收到，可能佢想诅咒我。广东话空=凶，我问过大师放啲盐入去烧可以化解”。

网民认为误会一场：新年返工嘅人经常发生

但许多人觉得只是误会，尤其是新年仍要上班的人更多出现“大头虾”情况，建议应向老板反映，“多数无心……新年返工嘅人经常发生，有朋友直接同返派𠮶个讲，即畀番2封，一场误会”、“佢可能以为入左$$”、“入漏咗？”。

网民收客人利市：得张纸写住耶稣爱你

网民又分享“更惨”经历，“以前返工收过客俾（利市），入面得张纸，写住耶稣爱你”、“N年前，我试过某部门主管，唔知咩理由（好似系基督徒，定系唔同意派利市这习俗）, 每封利市里面，只放一张纸，上面写住祝福语”、“我结婚时，都收过吉利是人情，对方系专登嘅，仲成家嚟饮。我无拆穿佢，之后佢股票蚀到仆Ｘ，几十万”。亦有打工仔笑言“你绝对唔够我老细仆Ｘ，派金莎唔Ｘ派利是， $20都唔派”。

（综合）