步兵搭港铁送外卖！将蛋糕放地下惹公审：点放落口　蛋糕店咁回应

近年不少人都会光顾网上蛋糕店，并经由外卖员送货上门。近日有女生搭乘港铁时，目睹有外卖步兵正前往送蛋糕，却将客人订购的蛋糕放在地上。从她上传到社交平台的照片可见，蛋糕仅以透明胶盒盛载，并加以灰色丝带捆绑，底下未有任何物件阻隔装蛋糕盒和地面，因而觉得呕心，“直接将人哋个蛋糕放地下，点样放得落口”。

帖文引来网民两派讨论，有人批评外卖员举动有欠卫生，“畀咁贵订个蛋糕，仲要喺地下黐到成个盒都系细菌，再摆返上台面同雪柜，同食垃圾无分别”、“屋企细个教落嘢食唔可以亦唔应该放地下，一来唔卫生，二来唔尊重”。不过有人觉得问题不大，“洁癖嘅人真系好X烦”、“凌晨4-5点落去行转街市，你会发现好多食物都系放地下，有啲嘢叫眼不见为净，你又唔系食个包装盒”。

涉事蛋糕店之后留意到楼主帖文，就事件表示抱歉，“我哋收到消息之后立即向第三方速递公司强烈投诉，并会严肃处理及跟进事件，确保不会再有类似事件发生！”。

外卖步兵搭港铁　将蛋糕放车厢地面

该女乘客在threads帐号上传照片，配以呕心的表情符号，称“直接将人哋个蛋糕放地下，点样放得落口”。从照片可见，她当时正搭乘港铁，于车厢内看见有外卖步兵相信正前往送蛋糕，不过对方右手拿着电话，左手疑似扶着上方扶手，并将2个仅用透明胶盒盛载、加以灰色丝带捆绑的精美蛋糕盒，在未有任何物件垫底情况下，直接放置在车厢地面。由于当时乘客众多，亦有人站近蛋糕附近位置，除了有欠卫生，若然有人突然未站稳，或乘客上下车时绊倒，蛋糕恐怕亦会被踩烂。

外卖员举动挨轰欠卫生

帖文一出，随即引来绝大部份网民谴责外卖员举动有欠卫生，“卫生意识欠奉，（蛋糕）做得几靓都无用”、“我自己拒绝将食物放地下，几重都拎喺手”、“畀咁贵订个蛋糕，仲要喺地下黐到成个盒都系细菌，再摆返上台面同雪柜，同食垃圾无分别”、“屋企细个教落嘢食唔可以亦唔应该放地下，一来唔卫生，二来唔尊重”、“如果你话外卖平时有盒再加胶袋放地下，我觉得无问题，但如果呢啲包装嘅蛋糕，个胶盒系有空隙，直接掂地就搞唔掂 ”、“车厢地下除咗有细菌病毒，仲有啲尘埃、皮屑、沙泥，而蛋糕盒本身就无包得好实，咁会唔会好易渗咗入去？”、“最怕系架车摇，令附近嘅乘客一脚踩落去”。

另派意见认为无问题：又唔系食个包装盒

不过有人就觉得批评有欠卫生的网民大惊小怪，“洁癖嘅人真系好X烦”、“有咩问题？蛋糕有盒㗎嘛，又唔会直接掂到地下”、“出面大把食肆都系咁样放，你哋见唔到咪又系照食，而家见到先嚟健康卫生论，空气都有细菌”、“点止蛋糕，外卖员都会将外卖放地下，因为无手揿䢂”、“凌晨4-5点落去行转街市，你会发现好多食物都系放地下，有啲嘢叫眼不见为净，你又唔系食个包装盒”。

涉事蛋糕店致歉：已立即向第三方速递公司投诉

涉事蛋糕店“Miss Marble cake & coffee（云石小姐）”之后亦有于帖文底下回复，指对事件表示抱歉，“你好！我哋收到消息之后立即向第三方速递公司强烈投诉，并会严肃处理及跟进事件，确保不会再有类似事件发生！”。

蛋糕店、外卖员、订购蛋糕客人皆有责任

惟有网民指上述事件非单方问题，蛋糕店、外卖员、订购蛋糕客人皆有责任，“正常要有保冻袋装住”、“有乜理由畀步兵一个人送几个（蛋糕），一单最多咪送1个，送几个唔摆地下点拎？”、“如果真系拎唔到就咪鬼做速递，正常都揾架车仔放入去推，做乜要摊喺地下”、“就算话有盒，你交畀客之前会消毒盒底先畀人？够唔够胆讲个盒放喺地铁地下送嚟，如果自己或屋企人食嘅你会唔会就咁摆地下”、“订得蛋糕好心畀埋的士钱，一系就自己攞，人懒又订送，根本系互害累斗累”。

（threads＠j.l._lyc_）