兽医诊所护士寻“冯宝宝屋企人”！狗主超尴尬现身　1句笑爆全网

主人都会为宠物起个好名字，但不等于要冠上主人姓氏！有网民早前带爱猫到兽医诊所，其间见到1名港男狗主带同唐狗求诊，当狗狗入房检查时，港男则坐在诊症室外等候，其间护士有喊：“边个系‘冯宝宝’屋企人？”现场求诊者闻言都想笑，但大家仍不作声，护士再喊道：“有冇‘冯宝宝’屋企人喺度？”最后该港男尴尬起身跟随护士入房，之后抱爱犬出来。

其后护士再说：“‘冯宝宝’屋企人请过一过嚟。”港男抱着爱犬前往柜台，但终于表达不满，表示“姑娘，佢叫Bo Bo，我虽然姓冯，但可唔可以叫返佢英文名？你叫佢‘冯宝宝’，我真系load唔到（即不明白意思）”，现场人听到即时失笑。

网民看到帖文同样笑爆，有人则分享过往经历，“我喺诊所听过个姑娘叫‘有冇猪扒强主人’， 我𠮶次真系忍笑忍得好辛苦”、“我上次系诊所听到姑娘叫‘喵喵主人’， 然后个主人拖只狗仔入去”。

护士3次提及“冯宝宝”　众人辛苦忍笑

楼主在Threads表示，有次带同爱猫前往兽医诊所，登记后坐在梳化等叫名，其间听到护士喊：“边个系‘冯宝宝’屋企人？”当时诊所内绝大部份人都好想笑，“你眼望我眼”，但最终没有人出声。

由于无人回应，于是护士再叫：“有冇‘冯宝宝’屋企人喺度？”过了数秒，突然有1名年轻港男尴尬起身，承认自己是“冯宝宝”家人，然后跟随护士入房，数分钟后，港男带同黑色唐狗“冯宝宝”离开诊症室。

狗主道出真相　笑翻全场

其后护士再在柜台叫名，“‘冯宝宝’屋企人请过一过嚟”，港男带同爱犬“冯宝宝”前往柜台，终于忍不住反映不满，“姑娘，佢叫Bo Bo，我虽然姓冯，但可唔可以叫返佢英文名？你叫佢‘冯宝宝’，我真系load 唔到”。楼主听到后，坦言当时自己“咀角1秒失守”，所以跟网民分享这则趣事。

许多网民亦表示听到都觉得好笑，有人则分享类似经历，笑指“以前只仓鼠叫阿强，医生叫名‘强哥入嚟’”、“去睇医生时见到两只猫，一只叫‘华文’，一只叫‘华武’，主人睇嚟都系周星驰粉丝”、“我阿仔叫皮皮，护士真系嗌‘叶皮皮’，我都唔识畀反应”。

（Threads）