邨巴妇人大声倾电话！殊佢定喝佢好？　港男1招KO　网民激赞要学

坐交通公具为人设想请保持安静。有港男早前在网上发文，大呻坐邨巴时遇到大声倾电话的妇人，由于邨巴较小巴更静，妇人的声浪显得格外大声，全车被迫成了听众，正当纠结“究竟应该礼貌提佢，一嘢殊佢，定大声喝佢好呢？”，港男使出1妙招，既不失大体又可制止妇人的骚扰行为，就是在旁“大力点头”及“大力摇头”以应对妇人的说话内容，对方终于察觉到，改为掩住嘴细声地说，而港男亦到站下车，成功化解一场灾难。

帖文引来不少网民热议，“我觉得呢个方法绝对值得参考！”、“呢个正，又好笑又唔会起冲突，仲要畀佢知你留心听佢讲嘢”、“建基于对方仲有1%羞耻心先work（有效）”。

邨巴有妇人大声倾电话扰民

有港男在社交平台Threads发文，指自己做了“少少creepy（怪异）”的行为，因他当时正在坐有28座位的邨巴，而这类邨巴比小巴更静，当时有位坐在他后面的妇人在大声倾电话，大声到“全车都听到”。

楼主纠结：殊佢定大声喝佢好呢？

正当楼主纠结“究竟应该礼貌提佢，一嘢殊佢，定大声喝佢好呢？”，他便选择使出1妙招，“我选择附和佢，包括大力点头表示赞同佢话某某某唔系好人、某某某食饭唔夹钱、又大力摇头表示佢千祈唔好邀请𠮶个旧同学出席校友聚会”，终于令妇人察觉自己太大声，改为掩住嘴细细声继续倾，而楼主亦到站下车，成功化解一场灾难。

网民：绝对值得参考！

帖文一出，不少网民留言，“我觉得呢个方法绝对值得参考！”、“呢个正，又好笑又唔会起冲突，仲要畀佢知你留心听佢讲野嘢”、“呢招正啊，可能你咁样同咗佢做咗friend化敌为友”。

也有人认为前提是“建基于对方仲有1%羞耻心先work（有效）”，楼主回应“好彩对方有，同埋系屋苑邨巴，所以真真正正‘我知你住边㗎！’”。

网民类似情况分享另一招

有网民遇到了类似经历使出另一招，“有次搭巴士隔离坐咗个大陆女，佢哋系0界限感，愈坐愈埋，我又系纠结开声定点，然后我灵机一触，我用手系咁梳头，当然系大动作𠮶只，然后佢就坐返开”。