青衣借钱党！揹名牌袋操普通话女子：畀钱买嘢食　见港男咁做速逃

青衣再现借钱党！日前有青衣男街坊遇到1位操普通话女子“借钱”，对方声称“好肚饿”，询问他“可唔可以畀啲钱我买嘢食？”。由于女子“身光颈靓”，不但穿着知名体育运动用品公司波鞋，而且揹着名牌袋，外貌打扮完全不像是有经济困难致“无钱食饭”。男街坊于是拿出手机拍摄对方，女子发现被偷拍后，“就急急脚同几个人跑入青衣城”，故称“提防骗子，由您开始”。

有网民批评骗徒“呃钱”行为无耻，“扮嘢都可唔可以唔好着得咁光鲜，你咁着一睇就知我穷过你”、“睬佢都有味”。有人则认出对方似是“惯犯”，“早几日见佢喺灏景湾车闸口问个阿叔，佢哋同行好似系3个阿婶嚟”，提醒青衣街坊要小心。

操普通话女子称肚饿　求路人“畀钱买嘢食”

该街坊在facebook群组“青衣街坊吹水会”上传照片，指当时正途经运动场一带，相中操普通话女子突然上前，向他表示“好肚饿”，然后询问他“可唔可以畀啲钱我买嘢食？”。楼主闻言当然未有相信，故于帖文笑称“新年流流真阴功！我咁啱将啲钱买晒金多宝，所以帮唔到佢”，因此决定贴出对方背面相片，“喺度帮佢宣传下”。

女子揹名牌袋　发现被偷拍即“落跑”

从相片可见，女子揹着疑似LV（Louis Vuitton）名牌袋，外套和波鞋则来自知名体育运动用品公司Nike，如此装扮却声称“无钱食饭”，实在令人难以信服。楼主续称，相中女子期后见他拿起手机拍照时，“就急急脚同几个人跑入青衣城”，故称“真系好人难做”，同时标签“提防骗子，由您开始”，以幽默方式提醒青衣街坊要小心，以免受骗。

网民狠斥骗徒无耻：睬佢都有味

有网民认为楼主应热心“帮助”对方，“你就唔啱啦，应该带佢去青衣警署饭堂嘛”、“畀强哥（保安局局长邓炳强）电话佢嘛”、“准备定啲光酥饼送畀佢嘛”。有留言就直斥骗徒无耻，“全身名牌！”、“卖咗个LV，卖咗对Nike，食X死佢都得”、“最搞笑系佢哋永远都会揹个名牌袋（虽然唔知真假），扮嘢都可唔可以唔好着得咁光鲜，你咁着一睇就知我穷过你”、“睬佢都有味”。

有人就认出相中女子疑是“惯犯”，“早几日见佢喺灏景湾车闸口问个阿叔，佢哋同行好似系3个阿婶嚟”，同时大呻青衣经常出现“借钱党”，“唔知点解青衣特别多呢啲人问，特别系近青衣城附近”、“上次青衣地铁站闸机出口，有个讲普通话女仔问我：‘可唔可以帮佢买张飞？’，我答佢唔可以，如果你要帮忙我帮你报警，后尾又见到佢揾第二个人唔知讲乜，可能那位人士都无理佢，佢知我望住佢，然后佢又走咗”。

想关报道：青衣借钱党！普通话男称去澳门赌输钱借钱食饭　网民：带去警署食

较早前亦有网民在社交平台发文分享，表示在青衣长康邨附近看到有2名操普通话的男子与途人搭话，声称自己在澳门赌百家乐，导致微信超过转账限额，无法付钱用餐，因此向途人借钱，楼主提醒其他街坊要小心，“年近岁晚，提防骗子”。

（facebook“青衣街坊吹水会”）