报应？前车倒后泊咪表位　私家车“摄入”抢位　后续这样全网喊爽

难道是“天都睇唔过眼”？有司机于驾驶群组上传“车Cam（行车纪录）”影片，指于尖沙咀准备倒后泊入咪表位时，被1辆私家车突然“摄入”抢位。双方一度对峙，该司机更霸气称“个位系佢”不愿走，又伸头出车外兼手指指，他怒气难消故于网上公审对方。许多网民批评涉事私家车司机，“人不要面（脸），天下无敌”、“唔好话排唔排（队）先，喺正隔篱等都可以咁样摄上嚟，佢都几唔要面”。

及后有途经尖沙咀的网民分享照片，指目击该私家车和货车发生碰撞，“佢呢架橙色车，啱啱先喺金马伦道撞咗㖞”。“有图有真相”随即惹来众人鼓舞，认为是该司机“报应”，“抵X死”、“完美展现咩叫俾天收”、“天地有正气，呢啲咁嘅人品同车品，迟早一镬”，并戏称“楼主见到张相开心晒”。

片主停私家车旁　等候泊入咪表位

该司机在facebook群组“车cam L（香港群组）”上传影片，不满指“我喺架车隔篱排紧表位，佢够胆死喺后面揸上嚟话个位系佢嘅，系咪黐咗线，仲要死都唔肯走”。从长约30秒的影片可见，现场为尖沙咀金巴利街，相信片主最先停于某私家车旁边，当看见对方有意驶离咪表位，片主便倒车腾出空间让对方驶走，以便自己之后可泊入该咪表位。

MG私家车突“摄入”抢位

当私家车驶离后，楼主便向前驶，打算倒后泊入咪表位。其间1辆黄色上汽名爵（MG，Morris Garages）私家车突然“摄入”抢位，近半个车身已经进入咪表位，吓得片主马上煞停。由于片段没有声效，只能看见两车停下对峙，MG私家车司机则伸头出车外，以手指指向后方，疑似指责楼主和他抢位一事，但就无法得知双方谈话内容，片段亦至此告终。

网民批MG私家车司机“无品”

片段一出，许多网民纷纷批评MG私家车司机“无品”，“其实都几X老土，明知人哋系用尾入，仲夹硬队个头入去，一睇就知系自私X”、“唔好话排唔排（队）先，喺正隔篱等都可以咁样摄上嚟，佢都几唔要面”。

片主被质疑“输经验”

有人就指出楼主是“输经验”，“楼主少泊街呀”、“唔知话你天真定戆X好”、“见到呢啲环境，老虎蟹一系头入，一系顶住个位唔好郁，尾入真系输晒”、“泊表位有车喺后面老X都要用头入咗先，入咗再慢慢扭”、“千祈唔好郁车，要佢陪你一齐等，等到你前面有车位俾你泊先走”、“泊唔到都唔好俾佢泊”。

MG私家车和货车相撞　网民激赞：系报应

其后有途经尖沙咀的网民上传照片，指目击MG私家车和货车发生碰撞，“佢呢架橙色车，啱啱先喺金马伦道撞咗㖞”。相片随即惹来众人留言，认为是该司机“报应”，“小凤姐，唔该”、“抵X死”、“完美展现咩叫俾天收”、“天地有正气，呢啲咁嘅人品同车品，迟早一镬”、“呢啲我实会喺佢面前无限鞭尸”、“经过串一串佢：‘你头先抢到泊车位，宜家咪唔使撞啰’”，又戏称“楼主见到张相开心晒”、“简直系俾楼主早来的圣诞礼物”、“揾返橙车车主出嚟，等佢回味吓部车未撞之前嘅完美车身”。

惟有留言认为是楼主的驾驶技术“技不如人”，“条片唔系连贯性，好难判断”、“其实入表位呢啲嘢，边个入到位就系边个㗎啦，有乜好拗啫”、“表位不嬲都系手快有，抢唔到怪人？”。

（facebook“车cam L（香港群组）”）