港铁女子车厢“挨柱”！被劝阻1句回应极无品　网民分享反击绝招

乘搭公共交通工具理应互相体谅，但有港女在社交网站发帖，大呻乘搭港铁时遇到“柱女”！原来有1名女乘客将身体全挨靠在柱上，楼主看不过眼便称“可唔可以唔好挨住”，不过对方竟回复指：“关你咩事？你咪捉上啲啰！”而旁边其他乘客只顾“食花生”而没有帮口，楼主无奈下只好拍下照片，事后在网上公审这种挨柱行为。

对于挨柱女子的寸爆回应，不少网民都坦言感错愕，并批评她缺德，“呢个社会啲人已经开始倒退”、“以前俾人话都会知衰缩开，而家衰到系驳返转头”。另有留言提出各种反击方法，“问佢：‘你系柱女呀？’”、“我试过用力捉住佢一小束头发同扶手，个女仔痛到企喺度”、“揸实佢膊头当扶手，佢问就答返佢关佢咩事”。

搭港铁遇“柱女”　港女出言劝阻

该港女在threads帐号发帖，并上传1张于港铁车厢内拍摄的照片，可见1名身穿粉红色外套的女士站在扶手柱旁边，她拿着电话，并将身体直接挨靠在柱上。楼主见状曾询问：“可唔可以唔好挨住？”惟女子未有认错，反而理直气壮地反呛：“关你咩事？你咪捉上啲啰。”

旁边乘客未有帮口　港女呻：个个都咁怕事？

楼主闻言极之不满，遂质问对方“条柱拎嚟挨？”，对方却理所当然地回复“系呀”，之后则无视楼主继续“挨柱”。楼主事后深感不忿，但又大感无奈，因为当时车厢内有其他乘客都因女子“挨柱”而未能紧握扶手，但她发声时，旁人全都只是冷眼旁观，故感叹“其实系咪个个都咁怕事？”。

网民批评“柱女”行为自私：无腰骨

许多网民纷纷批评该女子行为自私，“呢条叫扶手，唔系靠背”、“无腰骨”、“开到声都咁无耻？少见啲㖞”、“应该增加车厢广播，叫乘客唔好挨扶手”、“呢个社会啲人已经开始倒退，除咗挨扶手，仲有随地抛垃圾随地吐痰，唔再顾其他人感受”、“以前俾人话都会知衰缩开，宜家衰到系驳返转头”，亦有人揶揄对方，“我唔准你（楼主）歧视天生脊椎有问题嘅病患者，人哋咁后生就得个咁嘅病，已经好惨”。

网民分享各种反击挨柱绝招

另有留言则分享各种反击绝招，“打个大乞嗤”、“大声喺佢耳仔边喝佢：唔该”、“问佢：‘你系柱女呀？’”、“我有起钉的戒指，边个钟意挨落嚟就挨啦”、“佢问关你咩事，我话：‘关呀，因为我同其他人扶唔到好危险，跌亲系咪你赔偿？’”、“我试过用力捉住佢一小束头发同扶手，个女仔痛到企喺度”、“如果佢话扯到佢啲头发，挞返佢一句：‘关我咩事’”、“揸实佢膊头当扶手，佢问就答返佢关佢咩事”。

（threads＠kimkim__kimberley）