港铁大妈要孕妇让座！自称有伤残证　孕妇同行友1句反击全车静晒

公共交通让座问题经常出现争议，有港女早前在网上分享经历，她与怀孕女友人同坐港铁时，遇到大妈站近她们，语带嘲讽地单单打打，指“乜而家啲后生都唔识让座嘅？”。后来大妈又指自己有伤残证，道德绑架地表示“我一阵唔舒服你系咪帮我call白车呀？”，楼主也忍不住反击，“佢大肚婆俾你激亲，一阵动到胎气系咪你负责？”，此话一出全车即安静下来。楼主指不是不想让座，而是对方的态度这样“老奉”便“条气唔顺”，只是希望要求让座的人语气礼貌一点而已。

楼主获不少网民力撑，直指“闹得好！”、“Well done，我自动让畀你先叫让座，X屎开口乞个位系屈人赐座”，有网民亦认为自己有需要，就不必一定要让座，“最讨厌道德绑架，平时我见到老人家／大肚婆都会主动让座，但有时唔舒服就真系让唔到”。

大妈声称有伤残证

有港女在Threads上发文分享坐港铁经历，指她与怀孕5个月的女友人一同从屯门坐屯马线到沙田第一城。途中有名大妈站到她们面前，开始单单打打地表示“乜而而家啲后生都唔识让座嘅，你哋睇下人哋又手痛，我又脚痛”。楼主好友回应：“乜而家啲人需要唔识自己出声嘅？”，大妈声称有伤残证，惟女友人不甘示弱反击，“伤残大晒呀，唔识好声好气问人嘅，我估你肯定有埋脑残啦”。

此时有名女士也看不过眼出声“咁叻搭的士啦”，大妈便使出道德绑架绝招，“我一阵唔舒服你系咪帮我call白车呀？”，楼主忍无可忍立即反击，“唔洗道德绑架我哋啦，佢大肚婆畀你激亲，一阵动到胎气系咪你负责？”，此语一出全车所有人顿时安静下来，而大妈则在下车离开。楼主指不是不想让座，而是对方的态度这样“老奉”便“条气唔顺”，只是希望要求让座的人语气礼貌一点而已。

网民力撑楼主闹得好

帖文引来不少网民热议，不少人撑楼主“闹得好！”、“Well done，我自动让俾你先叫让座，X屎开口乞个位系屈人赐座”、“如果佢个伤残证挂系心口，我都会让畀佢，但佢唔拎出嚟揾鬼知咩”。

自己有需要毋须让座

有人亦认为态度才是最重要，“老奉让佢咩，反而我见过好多有骨气既老人家，让佢都唔坐，你让佢佢觉得你睇少佢”、“一出到道德绑架呢招我话之你百岁人瑞、抑或冇咗只脚定冇咗只手，一律都唔会让。反正就算让俾佢坐低咗，一样都系继续咀唔收这个那个咁，点样坐喺度𠮶个唔系我？”。

有网民亦认为自己有需要就不必一定要让座“最讨厌道德绑架，平时我见到老人家／大肚婆都会主动让座，但有时唔舒服就真系让唔到”、“外表睇唔出有冇伤病，唔代表唔需要坐，做乜一定要人让佢”。