西九豪宅召的士去九龙塘中学　2字令司机嬲爆：有钱人真系冚家Ｘ

返学call的士要求折扣惹不满？有的士司机在的士群组发文，上载电召的士程式图片，显示有乘客想由九龙站豪宅屋苑西九龙漾日居到九龙塘某国际学校，并要求打九折，他闹爆“香港的士啲客已经败坏到一个严重程度”，质疑路程“鸡脚”兼可能遇上塞车，按表收费也赚不多，形容是“乞儿兜攞饭食”，“啲有钱人真系冚家Ｘ到一个程度”。

帖文引来热议，有人笑言“从来不去接𠮶到的西客”，而乘客不停要求折扣也是行家造成，“不如问下点解咁多仇家做85同定食”，但部份网民认为的士司机要求太多，“西九龙去九龙塘算鸡脚？”、“去边都俾你哋批评？使唔使当你哋系皇帝咁供奉啊？”。

楼主在facebook群组“的士司机资讯网Taxi”发文，上传1张电召的士程式的截图，他针对的是当中第二个订单，由九龙站豪宅屋苑西九龙漾日居到九龙塘某中学，打上“九折”，应要求提供车资九折优惠。翻查网上电召的士程式资料，该路程正常车资约为60元。

批评“支旗已经鸡脚” 或遇上塞车

楼主不满指，“香港的士真系好贵咩，香港的士啲客已经败坏到一个严重程度”，批评由漾日居到九龙塘上学“支旗已经鸡脚”，而且一旦遇上九龙塘区学校放学可能塞车，“睇表收费都赚钱唔多，都仲要喺乞儿兜攞饭食，啲有钱人真系冚家Ｘ到一个程度”。

网民：从来不去接𠮶度的西客

有网民认同楼主，称“从来不去接𠮶度的西客”、“所以佢有钱，因为每样都度住”、“啲楼跌咗两成要帮补吓”、“唔过百嘅折头柯打绝对唔X㩒”、“冇人接便会由减变加，慢慢等啦！小朋友好快迟到啦，唔好叫司机揸快啲，好危险㗎”。

不过，部份网民认为楼主没必要公审，“西九龙去九龙塘算鸡脚？香港的士平定台湾新加坡杜拜平？人哋畀咩车你坐？”、“咁唔通住漾日居就冇权坐的士去九龙塘返学？去边都俾你哋批评？使唔使当你哋系皇帝咁供奉啊？”。

的士司机呻行家做85折的累事

有相信是的士司机的网民大呻，乘客要求折扣也是部份行家造成，“话啲客 ，不如问下点解咁多仇家做85同定食？”、“恶性循环， 客觉得攞折应份， 唔啱价唔做call唔到车又赖的士拒载”。

楼主认同有些行家给折扣累事，“就系做坏晒啰”、“做到个个都系攞着数”，有网民指对订单不满大可无视“可以唔做”，但他认为“就系𠮶个好似你咁谂，所以今时今日的士就到咁差冇晒服务”。有网民揶揄道“你哋服务业嚟㗎大佬醒未呀？人哋扣钱你咪唔好接啰，调翻转你找钱唔好找少几毫呀”，楼主反驳“你为咗个几毫子不断争拗呢个问题……坐巴士啱你多啲，仲有我从来都系四舍五入，夹夹埋埋每日都收唔多个两蚊”。

（fb群组“的士司机资讯网Taxi”）