去麦当劳食三𩠌饭？阿叔霸2座位再叹啤酒片疯传　网民1原因劝体谅

近年两𩠌饭、三𩠌饭因价钱相宜，成为不少人“悭钱”选择！日前有网民在社交平台发文，指在荃湾一间麦当劳看见1名男子公然进食三𩠌饭，兼外带啤酒入内享用，看不过眼于是贴图公审对方。

帖文掀起网民热议，有人批评男子行为不当，“个个攞啲外来食物入去食，咁啲客咪无晒位啰”、“如果我系开舖做生意，我都唔想我啲资源俾你咁用，个个好似佢咁我食X啦”；不过有人觉得“有头发边个想做癞痢”，又奉劝楼主多加体谅，“睇个款唔系游客，屋企好舒服嘅你估佢想嚟？”、“佢坐喺角落位，仲要垫好晒台，耷低头系咁食”、“草根阶层想食餐安乐饭，咪搞人啦”。

在麦当劳食三𩠌饭兼饮啤酒

该网民在facebook群组“全港店舖消息(开张/执笠)关注组”发帖，称于9月7日（周六）在荃湾街市附近的麦当劳，目睹有大叔在完全没有“帮衬”情况下，携带三𩠌饭以及啤酒到店内用餐。

从该网民上传的2条影片以及相片可见，该中年男子坐于靠窗边看街景位置，以背囊霸占1个座位，他自己则坐在旁边位置。他先以报纸垫台，餐台上摆放2罐啤酒、2个发泡胶外卖盒，分别盛载白饭和饭𩠌、以及疑似2包香烟。片段目测当时店内用餐客人不算多，仍有其他座位，不过男子携带外来食物进入麦当劳行为就引来楼主不满，故被贴图公审。

帖文掀起网民两派看法，有人批评片中男子行为不当，“个个攞啲外来食物入去食，咁啲客咪无晒位啰，不知所谓”、“麦记已系Cheap（便宜）到29蚊（1个）餐，甚至十零蚊一个包，人家真金白银租地方做生意，个个喺佢个场食外面嘅食物无帮衬，咁麦记索性做外卖啦”、“如果我系开舖做生意，我都唔想我啲资源俾你咁用，个个好似佢咁我食X啦”、“应该要有低消（最低消费）”，又指出麦当劳并无领取酒牌，“唔可以喺入面饮酒”。

网民奉劝：睇开啲啦

惟有人反斥楼主多事，认为男子未有影响其他客人，可“只眼开只眼闭”，“睇开啲啦”、“睇个款唔系游客，屋企好舒服嘅你估佢想嚟？”、“佢坐喺角落位，仲要垫好晒台，耷低头系咁食”、“草根阶层想食餐安乐饭，咪搞人啦”、“无阻到你咪算啰”、“M记都未出声！你扮咩正义X啫？”。

有留言则奉劝楼主多加体谅和包容，“M记本来就系畀社会基层市民食嘢嘅地方”、“这位大叔应该唔系惯犯，仲见佢食得好快”、“做人唔使下下都咁有原则规矩，多点包容”、“如果食完即走，自己执返啲垃圾我觉得可以接受，好过啲买杯嘢饮或者连嘢都无买，又成日霸住（座位）嘅人”。

（facebook“全港店舖消息(开张/执笠)关注组”）