拿杯面买生菜鱼肉？游客称无现金咁讲　被质疑想走数：穷游香港？

近期不少内地旅客都会来港短途旅游，网上更出现“穷游”攻略，务求来港时悭到尽。有港女分享目睹疑是内地游客手持国内牌子的杯面，到本地小食店点叫生菜鱼肉，要求店员将鱼肉倒在杯面，务求“顺便渌埋”杯面，惟付款时却向店员表示没有八达通和现金。当店员打算以私人微信帐号收款时，游客又称“我没有网，有没有Wifi？”。楼主因赶时间先行离去，未知游客有否完成付款，但就调侃“如果无，就真系可以介绍‘如何$0食尽香港’”。

有网民猜测该名游客存心“攞便宜”（攞着数），“落嚟玩都无买数据或漫游（卡），悭皮到咁”、“系我就会叫佢倒返生菜鱼肉出嚟先好走”。

“见识到真正穷游香港”，该港女在 threads 发文，指日前于街头目睹有疑似是内地游客，手持内地品牌的杯面到小食店购买生菜鱼肉，并要求店员直接将生菜鱼肉“𢳂落个杯面”，以顺便渌熟杯面。当店员倒入生菜鱼肉后，该游客提出以支付宝付款，惟该店舖只收取八达通或现金，游客则表示未能以上述方式付款。

正当店员打算先以私人微信帐号收款，该名一直操广东话游客，突然又以普通话询问，“我没有网，有没有Wifi”，而楼主因赶时间先行离去，未知对方后来有否成功付款，但就揶揄“如果无，就真系可以介绍‘如何$0食尽香港’”。

不少网民质疑该游客或存心“攞人便宜”，“又赢，咁都俾佢谂到”、“呢啲叫做乞儿，唔系游客”、“落嚟玩都无买数据或漫游（卡），悭皮到咁”、“系我就会叫佢倒返生菜鱼肉出嚟先好走”、“直接开个人热点畀佢俾钱”、“带定现金旅行呢个系基本嘅！就算我哋用惯信用卡，去旅行点都会兑换定啲外币以防万一”、“宜家多咗呃神骗鬼的屎桥，大家小心啲”，又揶揄“佢哋唔系好有钱嘅咩？日日落嚟香港买名牌㗎㖞！”。

有人就指餐厅应“一手交钱，一手交货”，“未俾钱就将食物俾对方，我只能话店家开善堂”、“先收钱才畀食物嘛！我哋香港人买嘢都系咁”、“有时啲人未摷到钱或八达通，啲职员放食物喺到继续做下个，正常人拎到钱出嚟就会自动摆低钱先拎嘢食，不过啲无耻、厚面皮嘅就可能有其他做法”。

（threads）