嫌太阳蛋太生！食客呻吃出鸡蛋腥味　网民睇相反嘲“西客”：博闹

到茶餐厅用餐时，顾客可按个人喜好挑选蛋的烹煮方法，点选太阳蛋、荷包蛋或炒蛋等等等，然而近日有网民在连锁茶餐厅吃太阳蛋时，却嫌鸡蛋过生，称“鸡蛋啲腥味仲喺度”。不过有网民看完照片却指太阳蛋本来就是将一面的蛋黄、蛋白保持半熟状态，“呢个咪系太阳蛋”、“太阳蛋唔系咁咩？”，甚至有网民说楼主是“西客”。但亦有网民有相反意见，表示“蛋白都未够熟”、“咁又确实太生，太阳蛋都要蛋白熟先得”。

该名网民在Facebook群组香港茶餐厅及美食关注组”发帖，称日前于某连锁茶餐厅用餐，却觉得菜式当中的2只太阳蛋过生，于是拍照公审，并表示“我要嘅系太阳蛋，唔系生蛋。鸡蛋啲腥味仲喺度”。从照片可见，太阳蛋边略有焦黄，而蛋白表面带有些晶莹剔透的生蛋白，至于生蛋黄则橘黄通透。

有网民看完照片纷纷表示“呢个咪系太阳蛋”、“太阳蛋唔系咁咩？”，而楼主就回应指“生到蛋白都无煎过”。有网民反驳楼主，“冇煎过？啲蛋白就唔会系白色啦！系透明啦！其实你系咪想要㶶边太阳蛋呀？”、“太熟就唔系太阳啦”、“你想个黄熟晒？咁系煎熟蛋”、“定你想要反蛋，反蛋就无太阳㗎㖞，太阳系面无煎”，甚至有人批评楼主是“西客”，“要求太高”、“你咁X麻烦叫熟蛋算啦，你估你高级餐厅锯扒咩”。

不过，有部份网民力撑楼主，指照片中蛋白偏生、未定型，“认同呀！太阳蛋唔系咁！煎到蛋白凝固变白色，蛋黄仍然系生先叫太阳蛋”、“蛋白都未够熟”、“依家蛋白都水汪汪㖞，咁又叫咩蛋呀？”、“咁又确实太生，太阳蛋都要蛋白熟先得”、“竟然咁多人接受到，唔怪得知啲餐厅越嚟越求其”。

（Facebook）