阿婆迫让关爱座！暗讽：后生仔都黐线　遭港男1招KO　港女却咁做

“让座系美德，但并唔系应份！”有港男在网上表示，有一天感到疲倦，乘搭东铁时坐了关爱座，1名老妇见状暗讽“𠵱家啲后生仔都黐线，见到阿婆都唔识让位”。楼主于是起身，跟对方说：“你想坐就直接有礼貌咁同我讲，唔好讲啲令人唔舒服嘅说话，你𠵱家系咪要坐？”老妇想不到会被反击，最终败走。楼主表示，在其他日子乘搭港铁时，曾见到1名女子被其他阿婆情绪勒索而让出关爱座，综合2宗件事令到他感受甚深。

楼主认为“任何人想坐（关爱座），都可以友善地向对方提出”，但强调“让座系美德，但并唔系应份！”。网民对楼主的言论表示认同，“让座唔系老奉，凭咩认为你有需要而我冇？”、“觉得自己需要过人咪出声啰，好声好气实会有人让”。

楼主在Threads发文表示，自己从事护理行业，事发当日感到疲累，所以登上东铁列车就坐在关爱座，有陌生阿婆见状就开始暗讽“𠵱家啲后生仔都黐线，见到阿婆都唔识让位”。楼主闻言立即起身，反驳“你（阿婆）想坐就直接有礼貌咁同我（楼主）讲，唔好讲啲令人唔舒服嘅说话，你𠵱家系咪要坐？”。

阿婆被楼主抢白后直接败退，声称尚有２个车站就下车，没有需要坐下。港男回应“咁唔该你（阿婆）合埋把口，冇乜嘢我（楼主）坐返低先”，之后阿婆就“全程面懵懵合埋把口搭完程车”。

另1宗事件则是楼主乘搭港铁前往铜锣湾，遇到1名身穿工作服、疑似行家的女生坐在关爱座上，岂料被现场1名阿婆情绪勒索，形容关爱座是“老人座，后生冇资格坐”。女生唯有让位，楼主当时“反应慢咗少少，冇帮口”。

楼主藉帖文想向该名女生道歉，自责没有及时帮口，重申关爱座的原意是提供给有需要人士，“冇人可以质疑边个比较有资格坐呢个位”，任何人想坐的话，都可以有礼提出，“情绪勒索完全不能接受！让座系美德，但并唔系应份！”。

网民回应时都认为楼主言之有理，“我上次喺轻铁都系咁，带咗耳机突然间听到个阿叔口噏噏好似鬼食泥咁，就停咗音乐听吓佢讲咩啦，佢都系𠮶啲‘世风日下啦，𠵱家冇后生会让位’，唔明点解要情勒”、“以前冇关爱座𠮶阵，我自己都会自动让座畀有需要嘅人，呢啲行为应该系发自内心，唔系咁流于表面㗎嘛”。

（Threads）