赶客？去人气冰室讲“唔该落单”竟被侍应寸爆　食客神反击获激赞

北上消费热潮下，香港饮食业服务问题近期备受关注。有港男于网上发文表示，他日前光顾长沙湾1间人气冰室，已有礼貌地说“唔该落单”，讵料竟被食店侍应“寸爆”，对方更把账单夹“飞落”台上，令他相当气愤反呛“妳发老皮（脾气）就唔好做”。
帖文引来网民热议，不少人称曾遇过类似对待，“闹得好”、“呢个阿姐出名寸嘴”、“我之前都领教过佢……我立即起身走人”、“应该马上起身走，唔受呢种气”、“食过，唔会有下次”、“难怪咁多人要北上消费”。不过也有网民认为未必属实，“个别事件，你在这（公审）就有人无限放大，更多人直指香港服务差”、“看图作文post”。

该港男上周六（6月15日）于Facebook群组“香港茶餐厅及美食关注组”发文，指他早上光顾长沙湾1间人气冰室，当时已相当有礼貌，没想到食店“阿姐”服务态度恶劣，仍要受气，“我唔该前唔该后，仲要受佢气”。

楼主忆述，他向“阿姐”表示“唔该落单”，却遭“阿姐”粗声粗气1句“寸爆”，“呢位大呀姐寸爆话食乜？”，对方更把账单夹“飞落”台上，令楼主怒极大爆发，“我马上问佢你发老皮（脾气）就唔好做！”。楼主事后仍忿忿不平，“佢最冇礼貌系，飞个账单夹埋嚟！”。

事件引来网民热议，大部份人都批评食店“阿姐”离谱，“你唔啱，应该马上起身走，你系畀钱𠮶个，我去便利店买个包咬都唔受呢种气”、“畀我听到落单时说话态度差即走”、“难怪咁多人要北上消费”。

也有网民表示曾遇过类似对待，“呢个阿姐出名寸嘴”、“我之前都领教过佢。有一次我坐低，睇紧早餐餐牌时，佢行埋嚟问我食乜，我话：睇下先。佢话：睇饱佢。我立即起身走人！”、“食过，同感，所以唔会有下次”、“闹得好！闹完再打上佢公司投诉”。

不过，有网民质疑楼主小事化大，“你话落单，佢问你食乜，点寸爆呢？茶餐飞牌畀你，有乜咁出奇？如果连茶餐厅文化都唔知的，建议餐餐改去半岛”、“个别事件，可即时通知店长，你在这就有人无限放大，更多人直指香港服务差，只会愈差”、“茶餐厅，中小型酒楼，服务员态度差系正常，热情过头你会惊，香港人，大部份都系冇咩笑容”。另有人质疑事件真伪，“看图作文post”。