巴士阿叔斥中年汉坐关爱座！港女发声反被挖苦　车长1句帮忙获赞

关爱座原意是让予有需要人士，却常被指是“批斗座”。有女生日前搭乘巴士时，有中年男子坐在关爱座上，未几1对夫妇上车，当中阿叔指责对方“咁后生做乜坐关爱座”，即使男子调位，阿叔仍称“关爱座系畀我呢啲老人家坐㗎嘛”。楼主忍不住发声，强调关爱座并非只让予长者，之后拿出“残疾人士登记证（俗称残疾证）”，表示自己都有资格就坐，却被挖苦“咁后生就残疾，真系阴公”，幸获车长及时助攻，“阿叔你咁好中气，唔识行多两步坐其他位？”，惹来网民热议。

该女生在社交平台 threads 帐号发文，指日前搭乘九巴路线968，她在总站上车，到第2个站时有对年约50多岁夫妇上车，虽然当时车上仍有大量空位，但夫妇当中的阿叔就指向坐于关爱座的中年男士，质疑“你咁后生做乜坐关爱座”，该男士不想和他争论，便起身让位。

惟阿叔未有“见好就收”，反而继续大声喝斥“咁后生都同人争位坐，关爱座系畀我呢啲老人家坐㗎嘛”。楼主看不过眼决定发声，指出男士已经让出关爱座，“仲咁多嘢讲做乜嘢？后面咁多位你唔坐？”。阿叔反驳自己所说是事实，楼主强调关爱座并非只让予长者，只要有需要即可就坐，之后更拿出“残疾人士登记证（俗称残疾证）”，示意自己都有资格就坐。

岂料阿叔竟出言挖苦，“哈哈，你咁后生就残疾，真系阴公啦”，楼主未有生气，反而嘲讽对方“起码我唔会同人争个关爱座啰”，又指对方“拎咗着数仲呱呱嘈”。此时阿叔妻子亦劝吁阿叔收声，巴士车长更帮忙称“阿叔你咁好中气，唔识行多两步坐其他位？”。

不少网民都感叹关爱座变成“批斗座”，“有需要都坐得关爱座，唔好以为老就一定大晒”、“Some disabilities are invisible（有些残疾是看不见的）”、“以为自己年纪大，啲人必然要让佢，事实上佢嘅言行系唔Deserve（值得）”、“关爱座就系畀呢部份倚老卖老嘅老人玩烂，应该直接取消”、“让系人情，唔让系道理。佢全名关爱优先座，系提醒有需要坐先，如果真系咁有需要坐，礼貌啲问人正常都让畀你”、“有啲人就系咁多口，已经赢咗仲要攞彩”，又赞扬车长及时发声，“车长见形势明朗化，立即补一刀”、“出招时机简直完美”。

有网民则分享类似经历，感慨有些老人倚老卖老，“有次病得好重住咗半个月医院，当时唔系好企得稳，搭地铁嘅时候我婆婆帮我霸咗个位，有个阿婶冲出嚟话，‘佢咁后生，你坐啦婆婆’，然后我阿婆好冷静咁同佢讲‘佢啱啱住咗半个月医院啱啱先出返嚟’，个阿婶即刻超级尴尬”、“我（系）长期病患者行动不便，但外表睇唔出，有个师奶要同佢老豆坐埋一齐，所以要求我让畀佢，我让咗佢继续咦咿哦哦，我一起身拎住枝拐杖，其他乘客就开始话佢”、“试过同男朋友喺沙田IKEA行返去地铁站，唔想行𠮶条夺命斜路就去咗搭䢂，一上到去等紧䢂𠮶阿婆劲大声闹我哋‘后生仔学咩人搭䢂啊’，我心谂有时唔系唔想让老人家，系有啲人倚老卖老”。

（threads）