搭港铁见无人看管BB车放正门口位　港女批无公德心　网民反应两极

搭乘交通工具时最好是折好“BB车”，避免影响他人！有港女于网上发文大呻，指日前搭乘港铁时，发现1部无人看管的婴儿车，被摆放近车门上落位置，认为会阻碍他人出入，故贴图称“点解啲人咁无公德心”。帖文引来网民两派看法，有人担心乘客上落会因此绊倒，“至少企喺车隔篱，有事可以喺人出声前自己让开，唔系自己走去坐”、“推入少少，系中间位就无问题啦”；但亦有留言认为楼主应多加体谅，“包容下啦，带住BB车出入好麻烦”、“月台又无人，车厢内又咁多吉位，都泊咗喺门口靠埋一边，真系阻到你定系习惯咁Mean？”。

该港女在facebook群组“将军澳主场”上传于港铁车厢内所拍照片，质疑“点解啲人咁无公德心放正喺门口”。如相中所示，1部大型婴儿车被摆放近车门上落位置，而车上未见婴儿，周遭亦不见有成人看管。由于婴儿车体积颇大，占据近半道车门空间，倘若有乘客上落，或会影响出入。

帖文惹来网民两极讨论，有人觉得负责推婴儿车的成人自私，“间唔中都会见到啲人摆架BB车在门口位置贪方便”、“车厢入面无乜人，照道理系应该将架车仔迫系自己对脚前面，而家迫到去门口，出出入入真系阻住人”、“至少企喺车隔篱，有事可以喺人出声前自己让开，唔系自己走去坐”、“就咁摆喺度唔理，好易撠亲人或者碌走咗”、“推入少少，系中间位就无问题啦”、“先落后上都做唔到，要求部车放好就更难啦”。

但亦有人觉得楼主动辄公审太不近人情，“推得入，多人要落车又落唔切，叫人借借有啲就眼超超，推近门口方便落车又俾人话，好难做啫”、“包容下啦，带住BB车出入好麻烦”、“月台又无人，车厢内又咁多吉位，都泊咗喺门口靠埋一边，真系阻到你定系习惯咁Mean？”、“上到车小朋友可能要手抱，家长唯有抱起佢，安全为由好难一手抱B一手收车，加上开车会令人失重心，一条友照顾住个小朋友，要折车都唔系咁易”、“可能系新手父母，顾得只B嚟又顾唔掂架车，可能前一两个站仲系好多人，未必放得好架车仔。落完客车厢吉咗，车主又鸡手鸭脚未必能立即安顿好，一张硬照真系唔代表啲乜”。

（FB“将军澳主场”）