衰！港铁女手臂“夹实扶手”玩手机　懒理长者企唔稳被斥：自私精

搭乘公共交通工具，理应避免对他人造成影响。日前有港女乘搭港铁时，遇见1名女子用手臂以环抱方式抱紧扶手，再低头玩手机，令他人难以紧握扶手。楼主因见有长者和其他乘客“企唔稳”，遂向对方称“唔该”，盼能让出扶手柱，惟对方未有理会，故贴图怒斥“太自私”。

有网民表示无奈，“成日遇到呢啲人，出晒声都唔郁”。有留言则建议可这样反击，“拎（扶）佢头顶条横柱，将格肋底贴佢面前”、“同佢讲条铁叫扶‘手’，唔系叫扶‘身’”。

楼主在6月3日（周一）于facebook群组“将军澳主场”上传照片，批评相中女士“太自私”。从照片可见，当时港铁车厢内有不少乘客，1名女子正站立于车厢中间位置，她右手手臂以环抱方式抱紧扶手，再低头玩手机，霸占扶手大部份面积，而旁边有多名乘客站着。

楼主表示，当时她曾向对方说声“唔该”，但女子回望一下后继续“霸柱”，“继续夹返条柱，一人独享！”。她称自己高度的确可以扶向上方吊环横柱，但见车厢内有很多长者，以及其他乘客未能站稳，故不满公审对方“唔该你有啲爱心，畀返条柱出嚟”。

许多网民指责相中女子是自私精，“无公德心”、“成日遇到呢啲人，出晒声都唔郁，好无奈”，并建议可这样反击，“拎（扶）佢头顶条横柱，将格肋底贴佢面前”、“停车或开车扮企唔稳撞开佢，佢X你可以大声话佢揽住条柱”、“同佢讲条铁叫扶‘手’，唔系叫扶‘身’”、“讲句‘唔该’其实作用唔大，人哋可能以为你想借一借，直接表明‘喂，条柱你买咗㗎？几钱买呀？我又想买㖞’”、“塞只手埋去捉住条柱，再系咁郁你嘅手指，啲人就不会再做柱友”。

不过有留言就担心上述方法损人不利己，“我试过，佢用背脊夹返我只手转头”、“系女人先可以咁做，男人一阵俾人屈非礼就烦”。

（FB“将军澳主场”）