人气鸡煲店晚市极冷清？港男PO相叹“不敌北上消费”　网民咁睇

近年北上消费成为热潮，本港食肆生意备受关注。有网民在网上发文及相，指有盛极一时的排队鸡煲店晚市冷清，慨叹“香港嘅食肆敌得过疫情，竟然敌唔过北上消费”。帖文一出即被疯传，亦引来网民热烈回应，有人认为“只要试过上一两次深圳，就真系会觉得香港饮食价钱好贵”；亦有人认为与北上消费无关，而是服务质素问题。

有网民在Facebook群组“香港茶餐厅及美食关注组”发文及相片，指红极一时在荃湾有3间分店的人气鸡煲，在星期日晚上6时10分只有4、5张卡位坐了食客，“生意真系好惨淡”，慨叹“香港嘅食肆敌得过疫情，竟然敌唔过北上消费”。

帖文引来不少网民激烈回应，有人认为这种情况十分普遍，“周街都系人，但唔消费”、“好多食肆都系咁”、“星期六日返大陆啦，75蚊火锅任食任饮”、“只要试过上一两次深圳，就真系会觉得香港饮食价钱好贵”、“我曾经都撑香港嘅食肆，但几个月前友人开始带我北上揾食，有比较之下真系撑唔落！”、“首先北上食新鲜鸡，第二原材料靓啲，其实食得靓嘅，可能都要$150，不过一定平过香港”。

亦有网民认为与北上消费无关，是食店的质素问题影响生意，“啲鸡无咩肉，点搞”、“好景个间赶客，试过一次坐耐20分钟未食完都收嘢，出埋声话要赶客赶下围，从此以后无食过”。也有人认为是价钱问题，“我觉得佢几好食，但真系贵到黐线”。

不过有人却认为食肆生意惨淡不一定是因北上，“食到厌咗啫！”、“香港人口味转得好快，今年兴旺，出年就无人问津”、“夏天边个会去食鸡煲？”、“唔一定系因为北上，好多人好似我自煮，留返啲钱去日本，啲yen咁平，品质又好服务质素好，费事受气！”。

另有网民认为楼主不公道，“7:00拍多张先啦”、“公道啲6点食边有人”、“星期日第二日要返工系少人啲，星期五六晚会多人”。