茶记叫猪肉呈粉红色　港男质疑未熟公审　网民拆解原因耻笑：熟㗎

砌生猪肉？有网民在饮食群组发文及相，指在茶餐厅食咸蛋蒸肉饼，但上桌后发现全碟猪肉都呈粉红色，他认为猪肉未熟，向店员反映肉饼未熟，惟对方指已蒸了半小时，令楼主质疑是否蒸炉出问题，“想转第2样嘢都唔得”，让楼主愤而在网上公审。
不过，楼主围炉不成，反被其他网民围攻，不少网民看到帖文后，指猪肉“熟㗎戆X”、“睇蒸出嚟嘅汁好清已经系熟”。又有网民分析为何熟的猪肉会呈粉红色，“可能是急冻肉或过度腌制”。

有网民早前在Facebook群组“香港茶餐厅及美食关注组”中发文及相，楼主指“砌我生猪肉，仲要同我讲蒸咗半个钟”，从相中可见一碟已吃了部份的咸蛋蒸肉饼，猪肉呈粉红色，楼主认为未熟，遂向店员反映肉饼未熟，对方却指已蒸了半小时，令楼主质疑是否蒸炉出问题，“系你啲猪变种有耐火性，还是你个蒸炉有问题，取消转第二样嘢都唔得”，楼主愤而在网上公审。

帖文引来不少网民热议，大部份人认为猪肉“目测系熟嘅”、“成层油都蒸晒出嚟，又得咁少肉，熟㗎喇唔使担心”、“睇蒸出嚟嘅汁好清已经系熟”。

这次楼主围炉不成，反被网民闹，“熟㗎戆X”、“你就真系砌人生猪肉”、“无知识都几得人惊，间店仲要俾你唱，不过好彩你讲出嚟，大家教返你正确嘢”、“真心建议楼主道歉，承认自己误会怪错咗店家啦”。

又有网民分析为何熟的猪肉会呈粉红色，“茶餐厅应该不会用新鲜猪蒸，只猪只是冻亲，并非不熟，所以这情况很普遍”、“可能是急冻肉或过度腌制”、“佢系雪藏食咗好耐嘅猪肉，所以点样蒸出嚟都系粉红色”、“落咗食粉、姜、酒会红，有好多原因，唔一定唔熟先会红”、“你真系唔识㗎㖞，落咗食粉腌肉咪咁嘅颜色”。