请食饭党现身马鞍山？操普通话女子求路人赠食物　街坊认出系惯犯

请食饭党杀入马鞍山？日前有马鞍山街坊于新港城商场购物，遇到1名操普通话女子要求赠予食物，他指该女子并非单独行事，“佢同另1个同党周围分头行”，其同党疑发现被人认出后随即快步离开，故贴出图片提醒他人小心。有网民认出对方是惯犯，“前日中午已见佢同另一女人走埋个阿伯度”、“另1个扎住长头发”，又质疑“成日用呢招，有无新啲㗎”、“打扮得咁样，涂埋口红，想呃人都呃好啲”。

楼主在facebook群组“马鞍山之友 2.0”发帖，指他于5月19日（周日）晚上约9时许在新港城商场购物，步出店舖时遇到图中女子，他形容对方以普通话询问可否买东西给她吃。楼主表示，相信该女子并非单独行事，事关“佢同另1个同党周围分头行”，而该同党疑发现被他人认出后，快步离开，认为对方“应该嚟过唔少次”，故呼吁其他街坊要小心 。

有居于马鞍山的网民表示曾遇到图中女子，“我都遇过1次”、“前日中午已见佢同另一女人走埋个阿伯度”、“另1个扎住长头发”。有留言则分享遇到其他骗子经历，“我屋企人之前喺耀安邨，试过有个男嘅问佢攞钱，（佢）直接拒绝，好彩无（被）缠住”、“有啲系孭住名牌袋，专揾啲阿叔”、“之前利安邨又有，恒安邨又有，而家猖狂到去新港城商场入边”。

不过亦有人质疑骗徒手法陈旧，“成日用呢招，有无新啲㗎”、“话无钱叫人买嘢食，但又打扮得咁样，涂埋口红，想呃人都呃好啲”，并嘲笑“佢哋可以穷游香港嘅原因”、“想呃钱叫佢返去学煲汤啦”。

（FB“马鞍山之友 2.0”）