肥膏多过肉！街市买预先包装牛肉　港男打开劲嬲：下面全部下栏嘢

满心欢喜买牛肉，未吃已经“一肚气”？有将军澳街坊发文大呻，指日前买牛肉遇上“黑店”。他于尚德街市某肉档购买每磅售价128元的牛肉，由于牛肉预先包装，他事后打开发现只有表面是正常肥牛，被遮盖的全部是“下栏嘢”，提醒街坊们注意。

有网民认为肉档包装方式取巧，“包装时唔系刻意咁做就假啦！唔见佢肥膏放外面？”；惟有疑经常光顾的客人为肉档平反，“你会唔会试下拎落去同佢哋反映，而唔系一嚟就话人哋系黑店”、“成日去帮衬，肉质素好、价钱公道”。

楼主在facebook群组“将军澳主场”发帖附上图片，表示他日前从尚德街市某肉档，购买每磅要价128元的牛肉，该舖每包牛肉都“Pack好晒（已包装）”，直至他回家打开先发现，原来该包牛肉只是表面“正常靓仔”，形容下面全部牛肉都是“下栏嘢”。图片所示，包装下层几乎肉片并非完整一大片，部份肥膏较多。

不少网民觉得该肉档存心欺骗顾客，“全部都系肥膏”、“有边个买嘢系预咗要行多转落去换？”、“个客唔出声唔拎返去换，佢就过骨呃到人啦，仲话唔系黑店？”，又有人调侃称“呢啲系切出嚟唔要㗎”。

不过亦有疑似熟客为店舖辩护，指经常光顾未曾遇楼主所说问题，“你会唔会试下拎落去同佢哋反映，而唔系一嚟就话人哋系黑店”、“如果你攞落去，佢哋一定会换俾你㗎㖞，我不嬲都系呢间买，佢哋啲员工好好”。

（FB“将军澳主场”）