港女带揸拐杖母亲搭港铁　遇男子无让座　嬲爆拍照公审：质素好差

让座是美德，但未有让座也不应被公审。近日有港女在网上发帖，指港铁上1名男子未有让座予其手持拐杖的母亲，就算她母亲就站在男子面前，他仍无动于中。她气愤于男子的行为，拍下对方照片放到网上公审斥责“质素好差”。然而，不少网民都认为男子不让座并无不妥，“你有无问人让畀你先”、“佢让畀你系佢好人，唔让畀你系佢权利”、“让坐唔系老奉，唔好成日道德绑架”。

该名网民在Facebook大埔居民群组转载原帖截图，指“原公审Post（帖文）影埋样，好似del咗，我都系帮遮返个样好啲”。照片中发布原帖的女子批评相中1名男子，指男子未有让座予其手持拐杖的母亲，“我妈揸住拐杖企喺佢面前都唔让位，若无其事。宜家啲人质素好差”

照片中可见1名穿红色格仔衬衣的女子握住拐杖站在1名坐著的男子面前，而男子外貌被之后转发帖文的网民加上贴纸遮挡。另有网民截图称，原帖楼主曾留言解释见到男子“一支箭冲落车行得几咁快我先咁嬲啫”。

原帖虽现已被删去，但已有网民截图并进行转载。帖文引起网民热议，有部份网民认同原帖楼主，表示“虽然唔系老奉要让，但好人好姐坐向一个揸拐杖嘅老人家，就真系有啲那个”、“要质素有几差嘅人先唔会让座？”、“无同情心”。

不过，更多网民持相反意见，认为不应勉强他人让座，而楼主亦不曾主动询问男子可否让座，“你有无问人让畀你先”、“唔让咪唔让啰！人哋都有需要㗎！影人公审正X街”、“其实人哋唔系必须要让座，让座只系义务，佢让畀你系佢好人，唔让畀你系佢权利，先嚟先得，所以佢无错”、“大家畀嘅车费一样，让坐唔系老奉，唔好成日道德绑架”、“乜都以为公审就当自己啱晒，低质素又无耻”、“就系呢啲批斗X，我而家整亲脚都唔敢坐”。

（Facebook）