日薪$900！女大生被妈妈要求返地盘兼职　大呻：叫我做补习社都算

大学生一定得闲？有女大生近日在讨论区发文大呻，她正到学校进行教学实习，但妈妈觉得大学生“一定好得闲”，多番要求她做兼职，任何工作请人都叫她去应征，包括便利店夜更店员、洗碗、清洁，明明她已“每日都畀啲学生同教案烦到px”。妈妈日前得悉同事的儿子在地盘兼职，日薪达900元，竟马上问“𠮶度请唔请女仔”，叫她去上班，无奈道：“叫我去返补习社都算，究竟返洗碗同地盘系乜料。”

楼主在Dcard讨论区以“阿妈叫我暑假返地盘”为题发帖，目前她正到学校实习教学，“每日都畀啲学生同教案烦到px”，但妈妈总觉得大学生“一定好得闲”，敦促她找兼职，“佢叫过我去做补习社、餐厅、7仔夜更到洗碗、清洁都有，总之见到无论乜工请人佢都叫我去做，有时真系好反感”。

楼主续指，妈妈日前和同事通电话，得悉对方儿子到地盘做兼职，日薪达900元，“我心谂px，佢下秒就问个同事‘𠮶度请唔请女仔’、‘叫我个女去做先’”，再狂说做地盘人工高，问她有没有兴趣暑假到地盘上班。楼主理解妈妈想她做兼职帮补，“叫我去返补习社都算，究竟返洗碗同地盘系乜料”。

帖文引起热议，有网民质疑其母“系咪当个女系揾钱机器，咁好揾叫佢自己返”，又担心女生“黑咗就白唔返㗎喇”。有人笑指同样被妈妈迫做兼职，“我阿妈试过叫我做谭仔姐姐，可能你妈妈都系想你累积多啲工作经验”、“做过炒散一排，体验下又几好玩，成日畀姐姐用嘢食贿赂”。

有网民认为妈妈只是想女儿累积更多工作经验学习与人相处，“唔系写得落CV嘅先至系经验嘅，返唔同工种或多或少都帮到你日后做嘢”。不过有部份网民指责楼主轻视蓝领工作，“咩叫返洗碗同地盘系乜料”、“其实洗碗有咩问题？分分钟高人工过做楼面”。

（Dcard）