拉买𩠌车要考牌！师奶拖车搭扶梯险撠身后人　连登仔斥：反智牙烟

除了“生仔要考牌”，师奶都被指要考“拉买𩠌车牌”！有连登仔近日在网上发文，不满有师奶乘搭扶手电梯时，没好好拉着买𩠌手拉车，令在其身后的人差点绊倒，直言事件“牙烟”，指出“有行李根本唔应该用扶手电梯”。

该网民于连登讨论区以“建议女人用买𩠌手拉车要考牌”为题发文表示，日前乘搭扶手电梯时，留意到前面有名师奶拉着买𩠌车，并将买𩠌车放在其身前一级。楼主指出，“正常人出扶手电梯应该推架车仔出先啦，师奶居然反智想将架车放翻自己背后，然后拉架车”。当时整条扶手电梯都站满人，大家都要等师奶拉走买𩠌车，“架车仔会滞后咗一阵先跟个人行”，结果“争啲撠倒后面班人”，幸好有位男子“一脚伸X开佢架车仔，啲人先出到”，形容事件“几牙烟呀”。

除了师奶拉买𩠌车一事令楼主不满，楼主更分享另一经历，直言“女人行路要吹波仔啦直头，行唔到直线㗎”，指出试过有时在街上想“爬啲女人头”，前方的女子却愈走愈偏阻挡他，到他想走原本的路，对方又走回原本的路，大呼“脚法劲过美斯”。

不少网民甚有同感，指出“有时出电梯班阿婶拖住架车仲要慢慢行，搞到后面炒车咁济”、“好多女人行路本身已经唔睇人睇路，加埋架车仔真系无X敌”。有网民教路要与拉买𩠌车的师奶保持行走距离，“我每次见到前面个人拉喼拉车仔，我都等电梯上多5、6级我先会上去，废事到时撠亲我”、“每次见到都会呢啲高危人士都会喺隔篱爬佢头”。

有网民列举其他自私、阻碍他人的行为，都应被视为“要考牌”之列，“担遮都要，矮过175cm就要考，避唔开真系会𠝹断颈动脉”、“建议用八达通都要，都2024年，仲系可以放喺个袋度嘟，仲要成日嘟唔到”、“开门都要考牌，企定喺道门前面，等你推/拉门畀佢过”、“（揸车）打灯畀手势过线先最重要”、“BB车都要啦，啲家长成日觉得自己推住BB车大晒，搭lift（升降机）又唔行入啲，企正喺lift中间，其他人入又难出又难，仲要成日车到人，有啲细路明明已经大个，仲要推架车”。