好想去！杭州LABUBU精灵世界展览｜5米高巨像、七大主题打卡位

大家听住！杭州嘉里中心竟然联手POP MART，整咗国内首个THE MONSTERS森林秘密基地，有5米高LABUBU装置巨像、8大游戏关卡、7个打卡位！呢个乐园还原咗LABUBU个精灵世界，参观者可以变身做“精灵伙伴”，一齐喺入面玩尽有想像力嘅互动体验，同LABUBU一齐开展探索快乐嘅奇妙旅程！

巨型LABUBU打卡位 + 100倍快乐！

由香港艺术家龙家升创作嘅LABUBU，得到Black Pink LISA 力推后，成为全球人气卡通角色。但其实各位在收集公仔挂饰外，有冇去理解作品背景？呢个展览就正好重现了以北欧森林精灵为灵感的LABUBU幻想世界，佢哋既活泼又好奇，搞到一班粉丝（包括我呀！）心花怒放。今次杭州嘉里中心同POP MART推出呢个森林秘密基地，系以POP BLOCKS积木系列为基础，仲整咗个5米高嘅巨型LABUBU装置！

成个商场都变咗LABUBU嘅世界，仲有七大主题游乐场景同埋超过10个LABUBU嘅造型装置，真系每一个角落都充满惊喜！最正系仲有秘密商店POP-UP STORE，卖盲盒、POP BEAN泡泡萌粒，仲有唔少限定产品，另外，场内仲有各种限定收藏品，护照套、主题雪柜贴、木屋拼搭积木、THE MONSTERS搪胶盲盒系列，全部都系我心头好！真系迫唔切想去扫货啦！

100种玩法，挑战8大关卡！

呢个森林秘密基地仲有好多活动等紧大家呀！例如LABUBU精灵巴士全城巡游、“全网寻找LABUBU”追踪活动，仲有秘境护照挑战——完成八大关卡后，可以收集到独特精灵印章，仲有机会创作属于自己嘅LABUBU拓印作品！

无人机大秀 + 期间限定开放

最震撼嘅系，呢度仲会有全球首场LABUBU无人机大秀，即系话，大家可以擡头望住天，睇到无人机表演LABUBU嘅奇幻世界～

香港人点去杭州嘉里中心？

呢个秘密基地会由今日起开放到6月8日，即系话仲有足足两个月时间俾我哋慢慢玩。咁香港人点去呢？每日约有约2班火车由香港西九龙开往杭州，票价约为$628.00，平均车程为6小时50分，当然亦可以订机票去啦。
杭州嘉里中心与杭州地铁1号与2号线连通，去到凤起路站一出就见到，呢个地方集合生活、潮流、自然，仲好近西湖，打完卡仲可以顺便去散步，真系perfect day呀～

杭州嘉里中心
地址：杭州延安路385号
营业时间：每日10：00-22：00