CCS光轨迹超人力霸王欧布原始形态开箱｜磁控灯金属骨武器超好玩

CCS 超人欧布 Ultraman Orb 开箱｜中国玩具名牌CCS TOYS的“光轨迹”Ultraman(超人力霸王／奥特曼)可动figure系列推出第3弹《超人欧布》Ultraman Orb原始形态，3百几港纸玩到金属骨架、磁控LED灯机关，性价比极高，即睇试玩report。

咸蛋超人（奥特曼）喺大陆人气非常高，有好多厂商做佢嘅玩具，再加埋日本万代同埋香港品牌， 竞争其实几激烈。 做开合金机械人嘅CCS TOYS 其实都有一个叫“光轨迹”嘅系列，先后出过杰罗（Ultraman Zero）及捷德（Ultraman Geed），3月终于出第3弹Ultraman ORB “超人力霸王欧布 原始形态”。

合金骨架、金属银上色劲抢眼

首先想赞一下发光眼跟心口能量计两组LED灯有大改良，首先改用了磁石触发开关，第2是眼+额头、胸口为独立电源，中间没有电线拖著阻碍头部扭动。最好玩就系有五色LED闪灯嘅奥布圣剑，真系玩灯玩武器都够你玩成晚。

光轨迹系列咸蛋超人身形比较粗犷， 线条好硬朗，所以比起单纯仁立（俗称：尸站），用尽佢可动性高又实净的金属骨架，摆一啲大动作战斗甫士会型多几倍。而且Figure都只系20cm高， 大概系1：9左右， 非常适合自行加背景纸，用手机就可以影到好靓嘅玩具相。

可动方面先前已提过是不错的，身躯分成3节几好扭， 颈嘅向上幅度算可以；双膊有拉出式关节， 做各种十字死光双手重叠的动作都系冇问题。 脚板嘅贴地出色， 唯一美中不足可能系髑关节拉出的幅度不大，向上提腿最多只去到90度左右。

再讲返“光轨迹 超人力霸王欧布 原始形态” 的独有优点， 欧布圣剑竟然同万代𠮶啲比细路仔玩𠮶啲DX变身玩具一样， 揿掣识得着灯都只系小儿科，最正系五色LED灯系真系会好似走马灯咁逐粒点着，最后五星连珠大爆发， 而家着灯嘅次序都有几个版本。

圣剑中间仲内藏磁石，用剑身接触额头同埋心口，就可以点着相关嘅LED灯， 尤其心口能量计， 仲有蓝灯同埋危险倒数嘅红色闪灯添。 不过记者发现当眼同心口灯够时间自动熄灭后，又要拆剑出来再点灯有点烦，所以建议玩家另外准备一粒小磁石，小瑕疵不足以当缺点。

之后再讲讲配件啦， 先有5对替换手型，一般咸蛋超人系用双手发射死光，欧布就系喺把圣剑嘅尖端射出光线， 所以玩具都附送一件20 cm长嘅特效， 佢本身嘅用料非常通透，而且仲做咗一啲闪令令嘅偏光油上色， 喺唔同灯光下都有微妙嘅变化。 套件中仲有为特效而设嘅display架，可以hold实个特效。

Figure本身个黑色 烫金饲字样台座都好靓， 而且底部仲有两支支撑架，避免水平陈列超人做飞行动作时会倾倒，真的非常细心！

整体而言呢只只售三百几蚊嘅“光轨迹 超人力霸王欧布 原始形态”， 设计成熟程度比起上两只一款俾一款高， 而且有唔少实实在在可以把玩的玩意， 你先系玩具呀嘛。

CCSTOYS 光轨迹超人力霸王欧布 原始形态 $399.00
查询：精品玩具 https://animes-pro.com/