【日本红叶2019】京都“岚山小火车”赏枫！嵯峨亀冈各站景点行程
除咗东京、关西等热门嘅赏樱、赏枫景点之外，岚山都系其中一个好受欢迎嘅地方，当中嘅岚山小火车更加系抢手嘅观光列车！想知点样买飞、沿线有咩景点，即刻睇睇行程懒人包！
岚山小火车好抢手？
每逢赏樱或者赏枫呢啲旺季嘅时候，岚山小火车都系一票难求。如果想成功买到飞，可以早啲计划行程，出发之前上网预订岚山小火车套票，仲可以事先拣场次、日期；唔洗排队，或是到现场先临急临忙买套票；另外拣有保津川游船嘅套票，套票仲可以拣海外／日本邮寄。
岚山小火车简介
岚山小火车同岚电系唔同嘅，岚山小火车系嵯峨野观光铁道推出嘅观光列车，总共有四站，分别系嵯峨站、岚山站、保津峡站、亀冈站。
如果想去岚山小火车，主要有两种方法：
JR 嵯峨野线，坐到马堀，再步行去亀冈站
坐岚电（京福电铁），到嵯峨站
岚山小火车沿途景点
岚山小火车嘅四个车站都有唔同景色，而岚山站嘅景点较多，所以通常喺呢个站落车嘅旅客比较多，小编都整理咗各车站嘅景点。
【嵯峨站】
嵯峨站系以红色砖瓦建造而成，车站入口隔嚟有一个19世纪广场，入面有D51型蒸气火车头、车轮造型嘅纪念碑。19世纪厅入面有咖啡室，同管风琴、大键琴嘅摆设，结合复古味同文艺气息，影相、打卡就最啱！如果你系铁道迷，一定要去日本知名嘅铁道立体模型馆 — 立体京都模型JAPAN馆，呢度有超精致嘅立体清水寺、金阁寺模型，买入场卷𠮶时出示小火车票仲可以平100円！
【岚山站】
观光客最熟悉嘅岚山站有好多景点，好似系竹林之道、常寂光寺、野宫神社、龟山公园等等。另外渡月桥、岚山公园等更加系赏枫、赏樱嘅热门地方！除了呢啲必去景点，仲可以顺便喺岚山大街食野或者买手信。
【保津峡站】
保津峡车站，系“近畿车站百选”其中一个车站，景色非常靓。当岚山小火车穿过保津峡山谷，仲可以见到其他人喺保津川游船河。
【亀冈站】
亀冈站系岚山小火车嘅终点站，如果想体验保津川游船，就要喺呢个站落车，再转巴士。如果不想游船河，都可以喺亀冈站附近踩单车。
岚山小火车沿线各站景色▼
路线要点样安排？
如果对岚山好陌生，又未规划过赏樱路线，觉得无从入手，也可以参考下KKday嘅推介岚山小火车旅行路线。
路线一：
由京都出发，搭乘JR嵯峨线到JR嵯峨岚山站 → 小火车嵯峨站购票（邻近JR站）→ 去岚山景点行下 → 再到岚山站搭岚山小火车游览保津川溪谷 → 小火车龟冈站落车
适合对象：
想搭JR去岚山玩嘅旅客
回程方式：
方法一：步行约10分钟，到JR马堀站上车，去JR京都车站
方法二：搭小火车原车返去嵯峨站或岚山站 (要预先买来回车票)，再转搭JR、阪急岚山、岚电返去京都
方法三：搭保津川游船返去 (要预先喺嵯峨站买船票)，再转搭JR、阪急岚山、岚电返去京都
岚山沿途超美景色▼
路线二：
JR京都站搭嵯峨野线 → JR马堀站落车 → 步行约10分钟去小火车龟冈站买车票 → 搭小火车开始游览保津川溪谷 → 到小火车岚山站 → 喺岚山各景点参观
适合对象：
想先搭岚山小火车，再去岚山玩
回程方式：
行完岚山之后，可以直接搭乘JR、阪急岚山、岚电返京都
【岚山小火车景点安排方式】
(1) 可以先由竹林之道，经野宫神社，再去岚山大街，行完岚山大街再去天龙寺，最后经渡月桥去岚山公园。
(2) 想先由竹林之道去天龙寺，记得要喺北门入去再喺北门出嚟，如果唔系就会直接去咗岚山大街。
(3) 都可以先喺岚山公园赏樱，再经渡月桥去岚山大街，行完岚山大街之后，再经天龙寺嘅正门去天龙寺，再由北门经竹林之道去野宫神社；或者拣岚山大街→ 野宫神社 →竹林之道→天龙寺嘅路线。
如果系赏枫期，小编建议大家可以去常寂光寺或者龟山公园，呢两个地方都系赏枫嘅热门景点。以上就是KKday为大家整理的岚山小火车攻略，趁著出发赏樱、赏枫前赶快熟记！
【本文获“KKday”授权转载。】
日本红叶特辑2019
👉👉👉一次过睇日本全国红叶情报！最佳赏枫时期、20个绝美秘景