【Lonely Planet推荐】十大2018年必去城市 你今年去咗几多个？
Lonely Planet寂寞星球公布嘅2018年最值得旅游嘅十大城市，由全球五大洲多个城市中脱围而出嘅，除左有港人熟悉嘅坎培拉同高雄外，仲有比利时、意大利等国家嘅城市上榜，快啲睇下各城市嘅上榜原因同当地景点推荐啦！
1.西维尔 Seville（西班牙 Spain）
西维尔系西班牙第四大城市，安达卢西亚自治区嘅首府。贵为西班牙文化、艺术同经济重镇，当地重要嘅文化佛朗明哥同斗牛都在此发起。现时依座17世纪时全世界最繁华嘅城市内仍然可以揾到摩尔风格建筑，而美剧权力游戏都曾经喺西维尔取景，为依座古城注入艺术活力。
景点推荐：西维尔主教教堂 Catedral de Santa María de la Sede de Sevilla、西班牙广场 Plaza de Espana、西维尔王宫 Alcázares Reales de Sevilla、西维尔斗牛广场 Plaza de Toros de la Maestranza
2.底特律 Detroit（美国 USA）
讲起底特律，会唔会对依座城市嘅印象停留喺昔日破旧嘅汽车之城呢？经过一段时间嘅沈寂，底特律重新振作，年轻人将空置大楼改造成酿酒厂、单车店同艺术画廊，新落成嘅公共曲棍球、篮球场同有轨电车更带动起整座城市嘅人气，逐一建成嘅特色旅馆都带有种工业风。
景点推荐：底特律艺术博物馆 Detroit Institute of Arts、摩城博物馆 Motown Museum、卡莫利加公园 Comerica Park
3.坎培拉 Canberra（澳大利亚 Australia）
坎培拉是澳大利亚最年轻嘅首都，亦系喺沙漠中建成嘅人工设计城市，佢嘅都市计划堪称人类最理想城市，衣食住行安全又方便，自然公园环绕四周，美食餐厅同娱乐设施大量进驻，仲新建成好多博物馆、美术馆等人文景点，令游客可以从中了解神秘嘅澳大利亚原住民文化。今年11月澳大利亚战争纪念馆更会举办第一次世界大战停战协议100周年纪念活动，相信到时会吸引更多历史迷到场参与。
景点推荐：澳大利亚战争纪念馆 The Australian War Memorial、国会大厦 Parliament House、Canberra、伯利・格里芬湖 Lake Burley Griffin
4.汉堡 Hamburg （德国 Germany）
汉堡系德国面向世界嘅海港城市，更系聚集左好多音乐人、声乐家同音乐剧演员嘅北方音乐之都。刚建成嘅易北爱乐厅非常壮观，远睇就好似巨大玻璃皇冠，成为HafenCity港边嘅地标。而汉堡河岸边嘅音乐酒吧、夜店更系享受精彩夜生活嘅其中一个热门地点。
景点推荐：微缩景观世界 Miniatur Wunderland、汉堡港 Hamburger Hafen、仓库城 Speicherstadt、阿尔斯特湖畔 Lake Alster
5.高雄 Kaohsiung（台湾 Taiwan）
恭喜港人最爱嘅台湾上榜！高雄驳二特区经常举办各种活动，带动南台湾嘅文化艺术产业。而自从大东艺术中心落成，充满实验性嘅建筑吸引左唔少游客，让高雄摇身一变成为艺术音乐之都，就连台湾天后蔡依林都去到高雄拍摄！高雄气候温暖、可以揾到丰富嘅夜市小食，深受外国人欢迎。另外，如果你希望可以亲亲大自然仲可以选择到小冈山天空回廊饱览港都景色。
景点推荐：大东艺术中心、驳二特区、小冈山天空廊道、六合夜市、爱河
6.安特卫普 Antwerp（比利时 Belgium）
作为欧洲北部其中一个最好嘅城市之一，安特卫普绝对属于2018旅行首选之一！因著拥有高超嘅珠宝工艺，安特卫普又被称为钻石之城，而当地嘅巴洛克建筑不但为十七世纪著名画家鲁本斯带来无限灵感，现时仍被保留嘅建筑物更为城市增添特色。当年嘅艺术发展集中地现时吸引左尼自五湖四海嘅年轻艺术家举行展览，旧有嘅码头亦增建许多有趣嘅酒吧，趁著欧元贬值时快啲出发啦！
景点推荐：水上博物馆 Museum aan de Stroom、安特卫普大教堂 Cathedral of Our Lady、鲁本斯故居 Rubens Huis、中央车站 Station Antwerpen-Centraal、丢手雕像 Hand Werpen
7.马泰拉 Matera（意大利 Italy）
相较于罗马、米兰同威尼斯等观光大城，马泰拉相对地少游客拜访，甚至可能连意大利前十大观光城市冇份，但小编绝对要大力推荐马泰拉！马泰拉有唔少摄影师最爱嘅所保留独特景色，除左已经有9000多年历史嘅石窟古城同古老修道院依两个世界遗产，仲有当地人居住石窟洞，连耶稣受难记等电影都在此拍摄！近年好多当地居民喺唔破坏石窟嘅前提下，将住家改造成旅馆或餐厅酒吧，小编都好想试下住石窟屋啊～
景点推荐：马泰拉洞穴居 Sassi di Matera、洞穴壁画 Cripta del Peccato Originale、马泰拉主教座堂 Cattedrale di Matera
8.圣胡安 San Juan（波多黎各 Puerto Rico）
香港人可能会因为距离同文化差异关系，对中南美地区相对比较陌生，但你唔可以错过拥有浓烈风情嘅波多黎各！走到圣胡安，你可以欣赏到旧殖民文化同新式风格嘅完美结合，仲可以喺街上揾到历史悠久嘅教堂、古堡、西班牙式小巷同博物馆、画廊、赌场、酒吧同餐厅亦相继落成，现时圣胡安已经摇身一变成为欧美人最爱旅游嘅城市之一。
景点推荐：旧圣胡安 Old San Juan、圣费利佩海角城堡 Castillo San Felipe del Morro、圣胡安包蒂斯塔大教堂 Catedral de San Juan
9.瓜纳华托 Guanajuato （墨西哥 Mexico）
以银矿起家嘅瓜纳华托完美地揉合左南美热情洋溢嘅文化同当年西班牙殖民时代遗留下嘅色彩。除左世界遗产嘅彩色山城，喺色彩缤纷嘅街道上亦可以揾到华丽嘅教堂同广场，就连PIXAR动画《玩转极乐园（Coco）》亦系根据瓜纳华托依个城市设定故事，钟意依部动画嘅朋友不妨抽时间到这城市旅游！
景点推荐：皮毕拉纪念碑 Monumento al Pípila、联合花园广场 Union garden、瓜纳华托大学 Universidad de Guanajuato、华瑞兹剧院 Teatro Juarez
10.奥斯陆 Oslo（挪威 Norway）
讲起北欧大家会谂起瑞典、芬兰、丹麦等等，其实大家仲可以考虑到高cp值嘅挪威旅行。不单止因为今年系受人爱戴嘅挪威国王皇后结婚50周年，挪威首都奥斯陆仲会举办各式各样嘅庆祝活动。咁啱地标奥斯陆歌剧院亦因迎接10周年而举办庆祝会，现场仲可以睇到好多经典歌剧添！
︎景点推荐：维格兰博物馆 Vigeland Museum、奥斯陆歌剧院 Oslo Opera House、维格兰雕塑公园 Vigelandsparken、弗拉姆极地船博物馆 Fram Polar Ship Museum
唔好等喇！快啲带埋家人朋友去当地体验独特嘅文化啦！
【本文获“KKday”授权转载。】