Fujifilm X Half卖5千5是相机界Labubu？半格菲林手机app免费玩到
Fujifilm X Half卖5千5是相机界Labubu？半格菲林手机app免费玩到｜Fujifilm 的数码相机玩小巧文青风及各式菲林filter，打出自己一个独有市场，有时又会想出 GFX100RF 中片幅机这类独一无二的产品，以概念同定位取胜。近排富士又有部模拟“半格菲林”的数码相机Fujifilm X Half，外型小巧靓仔，未推出已知必起炒风，不过有人就弹Fujifilm X Half 定价过高，有如“相机界Labubu”，是用来呃文青钱交智商税。
何谓半格菲林相机？
所谓半格菲林，是在 1960 年代， 由日本以Olympus公司发起，将135菲林分成左／右两格，等你可以36格菲林影到72张，令一般用家能更经济地用相机留影。富士相机的 Fujifilm X Half 十分“识玩”，它想出将感光元件垂直安装，再将两张成像相片一左一右合并起来扮半格菲林。
Fujifilm X Half 概念取胜｜卖得贵都有人支持
Fujifilm X Half 另一吸引之处是机身和介面追加很多小细节，比如“装假狗菲林杆”、机背有小屏幕让你选择菲林片；甚至可以玩“盲拍”，用家拍照后不能即时睇相，必需拍满一整卷菲林再等一段时间，才能在手机app上“冲印”出来，营造出菲林晒相的感觉，加上细仔细细方便出街打卡，文青和女生一定喜欢。
专业摄影师：当Labubu咁玩、有钱咪买啰！
不过有得奖无数的专业摄影师，却在专页上表示：“如果你当玩Labubu咁嘅心态， 钱多唔介意，咪买嚟开心下啰， 如果你当佢系相机，我只能笑而不语。 至少，以智商税计算，佢比Pentax𠮶部更荒谬。”
数码相机取代不到菲林
原来这部 Fujifilm X Half 的构思是照抄2024年推出的半格机 PENTAX 17（现时市价约$3,990），同样使用垂直安装的1吋CMOS，不过改用32mm 2.8光圈镜头；它的有效像素仅得 1,774 万，比很多智能手机都不如，开价则高达HK$5,580，单纯用硬件规格计，大部份钱都是买概念和“情绪价值”，他在回应网民时表示：“买唔紧要，最紧要你知道佢价钱系唔合理地贵”又指数码相机取代不到真菲林机，要玩真的“半格菲林”机，其实几百几蚊已经有交易，余下的钱用来买菲林够“影餐饱”。
平玩“半格机”｜免费手机app效果一样好
本文并非认同 Fujifilm X Half 是智商税产品，是否值得购买网民自有定夺。反而想说，如果你想玩半格菲林，不一定要使大钱；只要拥有一部智能手机，下载几个数十元的影相app已经能够玩到半格菲林及各种富士风格filter，等负担不起机价的人都可以平玩“半格机”。
Dazz 相机｜免费玩半格机效果
（app免费／购买付费版才可以下载相片）
Dazz 相机 APP 功能极多，除咗可以即刻影出靓相，或者将啲相放入 APP 加滤镜之外，仲可以加鱼眼、滤色片、星芒、乱噏八糟嘅漏光、叠片效果等等，连拍片都得，质素高到连班菲林相机发烧友都赞到唔停手。当然还有今次想特别提一提的“半格菲林”效果“D Half”，只需要连影两张相片，就会自动将共2合1成半格菲林效果，再加filter就可以影出菲林机味，唔使畀5千5蚊，用手机就玩到。
Gudak Cam｜模拟菲林相片惊喜感
（HKD$8／有免费Gudak Cam lite版本、冲印相片要睇广告）
韩国、台湾网红都超爱用的Gudak Cam，设计复古到爆，好似用紧传统柯达傻瓜菲林机咁，要透过个app嘅小窗口嚟决定影咩嘢，揿咗快门之后唔会即刻睇到，要等成卷24张菲林用晒，先至可以“冲晒”。冲晒要用三日时间，三日后啲相先会慢慢一张张出现喺你个相簿度。影出嚟嘅相同真正菲林机差唔多餐，会跟据光影嘅变化整到唔同效果。
NOMO CAM｜模拟多种怀旧菲林机效果
（app免费／部份filter需另外购买）
‘NOMO’系一个扮晒即影即有菲林相机嘅手机app，唔单止有即影即有相纸𠮶种白色相框，连个色调都同即影即有菲林相几乎一模一样，仲有重复曝光嘅功能添！至于个app界面就简单到爆，一入去就净系得快门掣、重复曝光掣、闪光灯同埋转镜头几粒掣姐，操作简单到连阿婆都识用，绝对系新手都易上手嘅一款app。
FIMO｜玩富士街拍菲林色调
（app免费／部份filter需另外购买）
FIMO嘅画面学足传统菲林相机嘅操作界面，揿一揿个菲林图标就可以轻松换滤镜啦。换滤镜嘅时候重会模仿开相机背盖嘅效果，几过瘾！滤镜选择多到癫，单系免费下载就有 5 款滤镜用，包括入门嘅富士街拍菲林色调、柯达 400 色调，间唔中仲会有限时免费滤镜任你用添！而家个 APP 介面设计得好有心思，用同一款滤镜影嘅相会自动收埋喺同一个相簿度，等你可以体验冲晒菲林嘅乐趣。