洗衣机洗衫前要浸泡？专家指这习惯超错：搞错1事细菌狂飙几千倍

洗衣机洗衫前要浸泡？专家指这习惯超错：搞错1事细菌狂飙几千倍｜好多人洗衫前，都会习惯先在洗衣槽开满水（又或另以盆子装水）将衫浸一浸，觉得咁样会洗得干净啲。不过有专家提醒大家，浸衫虽好，但浸泡时间唔可以太长，建议控制喺30分钟内，否则衫上嘅细菌可能会疯狂繁殖，得不偿失。

浸衫时间有讲究，唔好泡得太耐

洗衫前需唔需要浸泡？可视乎衫嘅污渍程度去决定，但无论点样，浸泡时间千祈唔好太耐，建议控制喺15至20分钟左右，最多唔好多过30分钟。佢仲提到，有啲人，特别系长辈，可能冲完凉后顺手将要洗嘅衫丢入水桶，谂住第二日再洗，但其实咁样系非常危险嘅。如果天气热、水温偏高，加上衫本身有细菌，“泡一晚，细菌根本系几千倍咁增长！”

洗衫频率无硬性规定，视情况调整

洗衫前要浸洗，这概念起源大概是因为不少家庭都不会每天开机洗衫，所以怕堆积起来的衣服上有细菌，所以才会先来个浸泡，但专家指当中还要计算家庭人数、生活习惯。例如一个人独居者，平时不运动不会经常出汗，一个星期洗一次都冇问题；但如果家人活动量大，又或者容易出汗，最好喺两日内清洗衫，否则啲衫会变成细菌嘅温床。

衫别埋在湿气重的浴室、保持干爽先系王道

如果脱下来又不会即时洗的衣服，一定要保持干燥，唔好堆喺潮湿嘅浴室入面，那不单会滋生细菌，在炎热天气下，衣服更有可能发霉！所以如果衫沾咗汗或者湿气重，应该尽快洗，最少都要放喺干爽通风嘅地方，避免细菌滋生或者发霉。

One More Thing：洗衣机都要保持通风干爽

当洗衣机用完后，其实可以将机门打开一会儿，等内部水气充分散去，避免潮湿环境导致细菌滋生，延长洗衣机使用寿命，亦都可以令衣物洗得更干净。也别忘了定时清洁洗衣液、柔顺剂的储蓄格。