世界杯2018想睇有办法？手机流动睇、4K高清睇．全攻略！

FIFA世界杯2018将于6月举行，一众球迷一定已经磨拳刷掌揾方法去睇直播吧。今次世界杯于俄罗斯举行，直播的时间非常适合香港人睇（最早8点开场，最迟凌晨2点），当然想追睇晒64场精彩赛事。不过除了可以在电视免费频道收睇部份比赛外，点样先可以睇尽所有精彩的比赛呢？

＞＞Join Plan买Pass

今年FIFA世界杯2018由NowTV独家取得播映权，想睇晒第一个方法就是join其收费台月费计划，再购买“2018 FIFA世界杯通行证”先可以睇（如果已是客户就可以直接购买通行证）。而今年睇世界杯除了就这样睇直播外，还有好多附加功能，令球迷们睇得更尽兴。

首先便是今次机顶盒对应直即录影，只要接上指定的HDD就可以立刻录影赛事，就算直播时冇时间一场不漏睇晒。
第二，新加入Timeshift功能，可以睇紧直播时随时暂停，或者后即时退后睇返精华。
第三，睇全场重温时可以选择重点跳播，睇返入球或者其他重要时刻。
基本世界杯通行证原本正价要成近九百蚊，现时限时优惠只需$280，除返每场都只是四个几，已有该付费台的球迷无理由不申请。

＞＞加两嚿睇4K直播

今次更在香港首次加入4K直播，拥有通行证的用户，只需要另加二百蚊，就可以直接升级睇4K超高清直播（3840 x 2160 50p），影像更逼真，连球员的表情都可以清楚睇晒。另外，今次更对应HLG HDR输出，映像光暗对比分明，画面自然更立体。暂时所知，到时会有4台同时直播世界杯赛事，包括2个1080p高清台以及2个4确定K超高清台。

＞＞手机流动睇

如果是该收费电视用户及已购入“通行证”，基本上已包用手机app睇波。但如果唔想join plan又如何？据记者得知，官方将会不久推出“流动手机世界杯”的plan，估计是毋须申请一般收费电视月费计划，以一个价钱用流动装置（如手机或平板等）睇尽64场世界杯赛事，但详情暂时未知，不介意只在手机睇波的话，可考虑等一等。

＞＞等睇免费频道

如果真的不想花钱，亦可以考虑只收看免费电视台ViuTV，将会有19场赛事，包括揭幕战、2场4强及决赛，于ViuTV上免费播放。俄罗斯世界杯决赛周揭幕战于6月14日展开，7月15日举行决赛。