VPET职出真我|职专课程引导发掘兴趣 多元实习机会踏上放射师之路

唔少学生喺大专报读嘅课程未必系自己嘅兴趣，不过Hayley中六毕业后决定按自己理想，升读有兴趣嘅副学位课程，并从中发掘出自己成为放射师嘅志向，及后更将其发展成自己嘅专业。现时Hayley已经成为注册放射师，仲觉得可以做到自己感兴趣嘅工作十分难得，亦寄语学生若一时未能修读心仪课程亦不应气馁，可发掘不同兴趣，透过现时多元升学途径达成目标。

升学路虽未如理想　把握机会随时迎接新机遇

钟情科学嘅Hayley由中四开始一直都修读理科，所以当初选择嘅路向，无论系副学士或高级文凭课程，都系以科学为主，最后辗转选择往医学方向进修。“由𠮶刻开始，我完全体会到‘塞翁失马，焉知非福’嘅感觉。当初的升学路虽然未如理想，但如果你把握机会，其实可能会有新嘅得著。”

Hayley现时任职私家医院放射师，工作范畴主要负责诊断部份。另外亦会协助一啲介入治疗，例如帮病患者做脑血管小手术、放支架等。她坦言，入行前对行业唔太了解，全靠职专课程的独特设计，给予佢发掘不同兴趣嘅机会。“职专课程比其他大学课程内容相对广泛，亦有更多实践机会，学生可以从中发掘唔同兴趣。我本身唔太认识放射科，但经历过化验室同影像诊所嘅实习后，我发现自己对依一科好有兴趣，亦好好彩可以继续升读。”

职专课程发掘兴趣　完善晋升阶梯成就专业

为成为一名专业放射师，Hayley继续进修，完成香港理工大学放射学（荣誉）理学士四年制课程，并透过毕业试，以二级放射治疗师的身份入行，头两年主要负责照X光工作。她指，于公营体系中，放射师晋升阶梯完善，在累积一定嘅工作经验与学历资格后，二级放射师可晋升至一级放射师，然后再往上发展，进一步晋升至高级放射师，甚至系部门经理。“可以做到自己兴趣相关嘅工作，其实十分难得，甚至可以算系奢侈，我会好好珍惜。”

佢勉励一时未能考入心仪学科嘅同学唔好气馁，要好好把握机会。“我觉得尽自己嘅努力同能力，随时都会有新嘅转捩点。大家要把握机会去发掘自己唔同兴趣，再评估能否追逐梦想。”

根据医管局嘅薪级表，二级放射治疗师起薪点约三万元、一级放射治疗师起薪点约五万元，而高级放射治疗师起薪点可跃升至约七万元。而根据卫生署嘅《2017年医疗卫生服务人力统计调查》，喺受访嘅放射治疗师中，大约55.2%喺医管局嘅医院工作，所以医管局嘅薪酬可以作为行业嘅参考指标。

职专教育专页仲以“职出真我”为主题，鼓励学生将兴趣发展成专业，寻找属于自己嘅天地。想了解更多职专教育详情，就唔好犹豫即刻登入职专教育网页，同埋Facebook、Instagram专页。网页详细列出唔同职专教育嘅课程、行业、相关资历阶梯，一睇即知行业嘅发展前景，有需要仲可以用埋网页嘅课程搜寻功能，只要输入有兴趣嘅行业或者院校名，一Click即睇晒相关课程嘅报读资讯。

为咗令大家更加了解职专教育下学生点样打好基础再投身职场尽展所长，《香港01》先后请嚟5位分别喺职专教育协助下成功入行嘅从业员分享，除咗担任放射师嘅Hayley，仲包括游戏公司总监、网络顾问、攀树员，以及升降机技术员学徒等等，分享佢哋学以致用嘅故事，等大家更了解各行各业发展，以及职专教育的关键作用，万勿错过。