千亿财赤 ｜ 陈茂波：啲钱揾嚟就系要使 政府有责任稳经济
撰文： 文维广
出版：更新：
财政司司长陈茂波下午再回应本年度或现千亿财赤及储备只可应付十一个月政府开支时强调：“啲钱揾嚟系使㗎啦，环境唔好𠮶时仲缩，其实系唔聪明。”
陈茂波今早（5日）出席立法会财经事务委员会会议时透露，本年度政府收入较预期差，料会录得千亿赤字，又指有八千亿储备，可应付十一个月政府开支。他下午出席港区省级政协委员联谊会活动时，再被问到香港经济处于负增长及通货膨胀间，港府该如何善用不足应付一年支出的储备，他直言：“我哋唔会系呢个环境下揽住个荷包，啲钱揾嚟系使㗎啦，环境唔好𠮶时仲缩，其实系唔聪明。”
他强调，今年本地市场受到环球需求放缓、外围环境转弱影响，导致香港经济表现疲弱，不过政府会坚持以“扩张性财政政策”及“逆周期措施”对抗困境。他认同港府不论在任何时候，均须“审慎理财，量入为出”。
陈茂波：政府在经济低迷时要扮演特别角色
不过，他同时强调在经济环境低迷时，政府更要扮演特别角色：“唔好景𠮶时，市民、中小企压力大，私人消费同投资可能会收缩，如果喺咁嘅时候，政府都缩，成个经济都会（萎）缩得好快。”
他续指，政府会尽力支撑本地经济，“中小企嚟讲，从成本、资金、生意帮手；市民嚟讲，推出不同措施，例如消费劵”，期望可以减轻市民负担，同时推动本地经济发展：“我哋唔会系呢个环境入面揽住个荷包，啲钱揾嚟系使嘅，同埋啲钱系要使得其所，储储备就系喺环境唔好𠮶时使，环境唔好𠮶时仲缩，其实系唔聪明，所以大家放心！”
他呼吁大众放心，港府有良好的金融监察机制：“金融安全稳定睇定好实，睇唔到有‘奇奇怪怪’嘅情况。”