政坛诸事町｜食肆“通通关” 苏施黄怒斥政府：对付紧市民
新冠疫情再次在社区爆发，一向少有谈论政治的电台节目主持苏施黄，亦忍不住拍片批评政府不知民间疾苦，“我有少少感觉，佢（政府）唔系对付紧啲疫情，佢系对付紧我哋。”
苏施黄说，近日很多朋友告诉她，已经约好的晚餐要取消，很多表演延期，“无得睇黄子华、张敬轩”，又有很多食肆、健身中心等场所都要关闭。她说自己很少讲不认识的事，“印象中无讲过政府政策”，亦很少发表意见，指自己都是“顺民”，但今次也要问政府：“其实你系度等紧乜呢？”
指香港人互相提点戴好口罩 普遍防疫意识良好
苏施黄指，经过两年疫情，香港市民普遍都有足够意识去应付，指香港人在街上会互相提点戴好口罩，“香港人做得非常之好”，“我想知道大家有咩办法可以阻止呢个疫情呢？阻止唔到嘅时候，疫情有啲变化，而变化系转弱嘅时候，你又嚟Close down（关闭）所有嘅嘢，咁我想问我哋点样生存呢？”
▼1.4政府公布要扩大疫苗气泡▼
形容望月楼员工“无辜”
她以又一城望月楼为例子，觉得22名员工很惨，指他们已全部打针及有使用安心出行，又检查过客人有用安心出行，“咁点鬼知有一个茂利，佢系偷走出嚟啫！”指今次事件其实不关望月楼的事，“会唔会香港政府都关少少事呢？会唔会监管得唔好呢？会唔会又关少少国泰事呢？”
她说长此下去，会令像她一样平日不出声的市民也会有怨言，“我真系好想问吓，我亲爱嘅香港政府，其实你系度等咩呢？”“你可唔可以话畀我听，话畀我哋广大市民听，你要等到几时，或者你有咩措施、药物，系可以对付到呢啲变化万千嘅疫情呢？”
▼伦敦大酒楼料晚市禁堂食两周损少400万元生意▼
市民每月支出大 问：有咩方法生存落去呢？
她诉苦说疫情之下大家“已经唞唔到气”，连生存都有问题，“每月支出单据佢唔会唔嚟架”，指政府关闭大量店舖，“佢哋系咪唔使交租呢？”她问道：“大家有咩方法生存落去呢？”又问政府：“你明唔明嘅呢？我哋唔系好似各位政府官员咁，每个月坐系度有粮出”，直言“我哋揾五蚊都难！”指现时演艺界人士“三五千蚊都要谂（去做）”，积少成多储起来交租和生活。
苏施黄说，有很多人需要这些额外的金钱，才能做一些其他人觉得日常都会做的事情。苏施黄希望和官员讲：“你哋可能高高在上，真系唔了解一百蚊、三百蚊、五百蚊，对普通市民来讲好重要。”
她问香港政府有没有切实计划，不要一味关闭，“求吓香港政府高官，用吓你个脑筋，同埋体察吓民情，你知唔知我哋每一日生活都好辛苦，大家都在挨，系要扑出去揾钱！”