陈智思吁重建政治互信　勿视中共为禁词　认同纳教程：非逼人爱党

行政会议召集人陈智思今（23日）出席电台节目，大谈中港矛盾、以及反修例运动后的社会复和问题。他承认过往与内地交往，香港只着眼商界的经济好处，却忽视了所衍生的矛盾，包括普罗大众眼中的资源争夺，被擡高的楼价即为其中一例。

陈指这些矛盾一经炒作便爆出前年乱局，现时要解决香港深层次问题并不容易，因为这些矛盾种下已久，现时首先要解决住屋、青年上流等市民基本诉求；长远则要走出政治围炉的局面，重建互信。他称一些红线，例如“香港系国家一部分，就冇得拗嘅”，但批评政府“中央从来冇话唔可以”，认为社会是夸大了政治高压。

陈智思指香港人有必要了解共产党，过去社会视之为“禁词”是错误，承认这个议题对香港人而言好敏感，未来要在课程、教育方面让港人认识共产党，但切忌急进，要慢慢推行，强调“唔系要钟意佢（共产党），但至少要明佢做咩先，连明都唔明，香港定位以后点走？”

2019嘅社会事件、甚至暴动，当然系畀一啲有心搞事嘅人推波助澜，令呢啲矛盾浮咗出嚟，再将问题指向中央、指向特区政府。当然，有啲系特区政府处理得唔好，呢啲矛盾点，再畀人炒作之下，出事啦！

陈智思口中的深层次矛盾是贫富悬殊、住屋问题，无产阶层难以在经济发展中得益，甚至贫者愈贫。他称这些矛盾不是政治上的“黄蓝矛盾”，是“基本盘问题”，但十几年政府都无处理，亦是奉行资本主义的社会通病，而港府及中央其实完全知道问题所在。最近，中央政府更“成日出嚟讲嘢”，着紧问题并督促香港处理。

与内地交往以前见利不见弊

另一个问题则是中港矛盾，陈指香港背靠快速发展的内地，既有经济好处，也有另类困扰，“（内地）三、四亿嘅中产，中产会购买更加好服务，如果佢喺南部、大湾区，佢去边度购买服务？梗系去香港啦，亦系对香港经济好，但都制造（了问题）好似同你争资源。但系两睇，如果同商界讲，佢当然欢迎；一般市民，佢会觉得学位系咪又多咗竞争，楼价又系咪推高咗，更加买唔起，一连串矛盾。过去，（我哋）净系睇到经济成效，睇唔到佢制造紧矛盾。”

须“坐低”重建互信忌政治围炉

陈智思指，现时全社会都要落力先解决好住屋及青年上流等基本问题；呼吁同时开始重建互信解开政治矛盾。

陈指过去一段时间，不同阵营的人只是“睇自己要睇嘅嘢”，要“坐低要倾都未必咁容易”，短期内很难解开这个矛盾。他特别举例，指反修例运动很多案件才开始审理，长远仍须不同岗位的人“坐低”，强调“（互相）指骂系唔会帮到问题，重建信任需要啲时间，唔同岗位嘅人都需要做呢步。”

不过，他提到复和是有前提，“香港系国家一部分，就冇得拗嘅，对唔住，要拗呢个就冇空间。除咗呢个之外，好多时，有人问我系咪唔可以批评嘢，依家有小小将啲嘢夸张咗，去埋一边！中央政府从来冇话唔可以批评，佢有三条红线唔可以挑战，共产党系执政政党，（香港）独立系红线，呢啲唔可以。”

陈智思指批评政府，推动政策改善绝对无问题，“不过，依家好多时系信任问题，呢个需要解决。冇咗信任，大家坐低倾都做唔到。”他强调需要时间，而且不止政府，整个社会都要一齐倾。

认识中共纳教育课程勿急进

陈智思特别提到，香港人绝大多数都不了解共产党如何治国理政，甚至有误解，“好老实我都唔知！”他认同有需要在教育课程内加入相关内容，但强调不能够急进，笑称“大家好惊，我都唔想乱咁讲。”

他称自己都是因为做生意才慢慢了解共产党，认为内地经济及社会有今日成就，共产党“差极都有限”，他称认识共产党，“唔系要（你）钟意佢，但至少要明佢做咩先，连明都唔明，香港定位以后点走？”共产党作为“一国”的执政党，不了解它很影响香港人判断“两制”未来的发展。

全世界政党都唔系完美，都有啲问题，一定有，但唔能够抹杀佢好嘅（部分）。否则佢点做到咁嘅成就，点做到美国都惊佢？佢唔系一个人，个政党有成九千万人，有14亿人支持佢，一定（有）啱嘅啦。但我哋香港人根本连识都唔识！