麦美娟：关爱队义工无津贴甚至买嘢畀街坊　轮更当值自问做到吗？

关爱队下期起恒常化，每两年资助额增至150万元。民政及青年事务局局长麦美娟表示，增加资源令关爱队服务更加顺畅，因关爱队义工从没领取津贴，“佢哋甚至系要吟钱出嚟做嘅，你见到街坊逃生时鞋都冇，你都要帮佢哋买埋拖鞋，水啊、食嘢啊不在话下。”

她又忆起华丰大厦火灾曾经落区接触关爱队，赞扬他们非常落力，“佢话佢哋日头返工，放工就嚟庇护中心当值，返去瞓几个钟头又再嚟，抚心自问我哋自己可唔可以做到咁呢？”故她说对关爱队非常尊敬。

新一份施政报告提出增加关爱队资源50%，麦美娟接受电台访问时说全港18区关爱队“基本上全部已经达到我哋要求啦”，包括探访230,000个有需要住户，提供22,000次小型维修或者服务，并在地区举办10,000多个有特色的小区活动、服务，故特首提出将关爱队恒常化。

我想话俾大家听全港有5,000几个关爱队成员，佢哋全部都系义工亦都冇领任何形式嘅义工津贴，我哋增加资源主要系畀关爱队用喺佢哋嘅服务上。

麦美娟解释，过去一段时间关爱队成员不但没领任何津贴，甚至要“吟”钱出来做。

有啲紧急嘅情况，你见到街坊真系好需要，佢哋逃生出嚟鞋都冇，你都要帮佢哋买埋拖鞋，水啊、食嘢啊，呢啲更加不在话下，所以我哋希望增加资源令到做服务时更顺畅。

麦美娟形容关爱队成立至今，已达到“凝聚社会资源、共建关爱社区”的目标，感谢5,000多名关爱队成员的付出，以及伙伴机构或人士支持关爱队工作。

她承认关爱队目前的工作已超出当初目标，“我畀佢哋嘅任务最初系探访、联系，同埋有需要嘅时候做一啲应急服务，但系呢段时间已经好多超越咗佢哋本来嘅服务要求，范畴越来越多”，举例华丰大厦火灾后，关爱队短时间内到场，透过民政专员协调，动员整个油尖旺区约20队关爱队，以及东区关爱队支援居民。

她又分享落区探望关爱队义工时的见闻。

我记得我接触咗个少数族裔嘅关爱队，佢话佢哋日头返工，放工就嚟庇护中心当值，当值到咁上下有人接班，佢就返去瞓几个钟头，跟住返工跟住又再嚟，好似返工咁轮更，大家有时抚心自问我哋自己可唔可以做到咁呢？

麦美娟说，非常尊敬关爱队义工，希望透过今次恒常化关爱队服务，亦都增加资源可以令关爱队队员工作能够更加顺畅，服务到更多市民，同时增设表扬计划嘉许他们的表现，“呢个唔系一个奖励计划，畀张纸你啫，唔系话奖品奖金”，透露将由政务司司长颁发感谢状。