Jason Kui－Polarized
撰文： 扭耳仔
出版：更新：
香港点会无Guitar Hero！“其实我谂全世界只有香港乐坛会将歌词凌驾于音乐。”两年前King Jer 娱乐台 听完〈罗生门〉之后，写咗篇文话香港人听歌只听歌词。但音乐人系咪一定要只著重歌词呢？本地结他手 Jason Kui 就反其道而行！今年情人节推出咗个人第一张纯音乐专辑 《Absence of words》七首歌，一句歌词都冇，专注地演绎高水平嘅结他技术。一边睇新歌〈Polarized〉嘅MV，一边见到Jason非常享受佢嘅音乐。曾经系陈奕迅世界巡回演唱会首席结他手嘅佢，将佢所有嘅热情放喺自己创作嘅新专辑。呢位香港guitar hero一定期待咗好耐！我地唔系批评有歌词嘅歌唔好，而系点解香港人讨论音乐嘅时候，唔将重点放多啲喺音乐旋律同编曲呢？点解纯音乐唔可以香港乐坛其中一个选择呢？以后跑步唔洗再听“加快吧，我的秒速只许加”，听〈Polarized〉跑10K，都够热血沸腾！