【 Show 后烟 】 Lo-fi Beebop 快炒旋风 观众： 永发是文化地标

扭耳仔除了听一众音乐人去论尽乐坛之外，都好想听到乐迷的心声！现带来【 Show 后烟 】这环节让大家在听完 Show 后将感受与我们慢慢分享！这场《 Lo-fi Beebop：快炒旋风 》由音乐人 Tomii Chan 与 Sam Chan 即兴举办的演出。在这个场地这个圈子的show后烟位，我遇见了什么人？

油麻地“永发”，一间地道的茶餐厅背后，曾经举办过多个小型但非常有趣的派对，一支结他30人轮著用轮著唱；乐队将整套鼓放在餐厅中间，加上插电乐器演出；DJ舞池、blues 之夜、 hip hop battle ，亦有日剧《恋上香港》在此取景，有意无意地“永发”成为了一个文化地标。 ( 摄影 : Moment Hung )

“永发太子爷”Sam Chan ：“我本来想讲不过不失，但佢哋玩得好好！Tomii 玩了我好想听嘅歌，阿悦玩了一首我有份嘅歌！某程度上，呢场算系几成功，嚟紧想啲朋友玩多啲show，做多啲音乐，可能不在永发，令到香港不会咁闷。（觉不觉得永发成为了地标？）咁.......呢度系永发呀嘛！”

903 电台节目《 无定向丧煲病狂 》客席主持 DJ Dom  （ Shelf-Index ） ：“ 第二、三次睇永发gig ，organize得愈来愈好，美中不足系无得现成叫干炒牛河同无电视睇 《 大帅哥 》。今次最大惊喜系‘ 金巴利道乜乜乜 ’，但佢哋好衰，无 SoundCloud 得个 ‘ 哀猪 ’。 ”

乐队“科学面”成员 阿悦：“（第一次来永发？） 你讲表演呀？第二次。（乐队为何叫科学面？）因为去台湾旅行，食咗个科学面觉得好好食，不如就叫科学面。（今日觉得怎样？）第一次喺咁多人面前表演，上次没有咁多，今次多了十多个。”

阿悦：“（刚刚与 Sam Chan 合唱的那首歌是？）𠮶首歌因为我成日想身边嘅朋友唔好食烟，咁我都有首歌叫〈 No Smoking Club 〉，希望啲朋友健康啲，大家可以见耐啲！Sam 就反驳我，作咗首〈 控烟办 〉就话我好烦，成日叫人唔好食烟。佢求其用〈 Fake Plastic Trees 〉嘅 chord 嚟写一首歌，两、三个 chord 咁。(你成功了，你在一个吸烟的专栏去宣扬这个讯息。) 系！但啲朋友都系继续食烟。”

两个吸烟者最少一个因吸烟提早死亡，戒烟热线1833 183。

杨凯婷 ：“一位叫 阿Sam 嘅朋友介绍我嚟，但我本身系 Jonathan Yang 嘅fans，之前都miss晒佢啲show，今次有机会到来，咁真系好兴奋！(没有看过又怎样称得上粉丝？) 唔系呀！我之前唔喺香港。(其他两队怎样？) 第一队几好听，之后第二队算唔算系实验嘢？（我听完眼湿湿）佢哋系咪浪漫底？听到觉得好浪漫。 ”

Hydra ：“（你与双胞胎姐姐在永发相遇吗？）唔系，佢成日抄我，我去边都抄我啰！我嚟呢度系支持我嘅偶像阿悦。（他的演出怎样？）我差不多最后先到，几好睇。(经常来永发？) 我系支持永发，好支持咁地道嘅show。”

Hydra 亦表示她那么支持阿悦，是因为他很支持她的“好朋友”那首〈 喜歌 〉，“科学面”的instagram 只follow了 Hey Joe Trio 。

阿荞：“你系扭耳仔？我有睇。我好钟意 Clockenflap ，上年我第一次去。（讲返永发好吗？）今日系我第一次嚟永发，个feel都几好，大家都坐喺个地下度！最钟意系见到啲糖纸跌咗喺地下，咁啱同旁边个pedal同色！大家好投入在音乐入面，见到大家做到专注嘅事，觉得好开心。（你小时候参加朗诵队？说话那么字正腔圆和正面。）我系哈姆太郎，希望每天都过得开心。”

正修读电影的阿荞，想法非常正面，是发言人的材料：“睇show有好多嘢可以做，当然第一样系尊重音乐，第二样系识到钟意音乐嘅朋友。（你做什么工作？）我读紧电影，但我拍啲片好垃圾。（看了《 G杀 》没有？）《 G杀 》未睇但系想睇，听人讲好...... ”

Underdog  ：“（今晚如何？）好好睇，嚟过几次。睇facebook，睇宣传见到今晚场show。（有没有在这里演出过？）没有。（对新一年有什么期望？）多啲show睇，希望有唔同类型嘅show，唔同地方嘅show。（同Sam的友情？）佢有时会嚟睇 Die ChiwawaDie ，跟住就识咗，留意一下佢搞嘅show。 ”

Pmq ：“今日非常之正！（之前有没有在永发演出过？）有，好像是上年八月的事，三十人每人唱一首歌。今日少人咗，之前多人会迫到好焗。（觉得这个场地怎样？）这个场好 chill 好贴地又亲切嘅感觉，可以人哋唱唱吓，我鸠叫都ok。（有什么与Sam讲？）搞多啲 show ， 多谢你喺度搞 show ，次次都好撚正。（新一年有什么期望？）秘密。”

肥狗：“（为何你会迟到？）唉......（觉得今晚如何？）气氛好好，场地好特别，仲可以喺band后面见到蛋挞，呢件事好好。（演出单位如何？）我唔记得咗叫乜名.......哈哈”

Mandy ：“（为何带班朋友来？）佢哋钟意啲刺激嘢！因为我有得免费睇，所以我就想嚟睇。（同主办方有什么关系？）我帮阿Sam整poster。（同Sam的友情？）佢系一个好人，新一年希望佢开开心，希望大家都开开心心。”

一月还有很多演出，我们show后食烟位见：