【 Show后烟 】 米奇老味神奇屋 观众：死穷L多？定人生赢家多？

扭耳仔除了听一众音乐人去论尽乐坛之外，都好想听到乐迷的心声！现带来【Show 后烟】这环节让大家在听完 Show 后将感受与我们慢慢分享！今次来到 米奇老味神奇屋 人生赢家分享会现场，究竟观众系死穷撚多？定人生赢家家多？ (摄影： Moment Hung )

重温米奇老味人生赢家分享会，全场流程图集及语录：

【图集】米奇老味神奇屋 人生赢家 ：应该搬去郊野公园寻新生活 

Ceci ：今晚好正！但啲人好高，高得滞，睇唔到前面，乜L都睇唔到！(点解你唔买VIP？)因为我系“死穷撚”，做唔到人生赢家，我无食饭十日先可以过嚟睇。

Winky ：今晚几正，如果我有钱啲，我会买VIP飞，咁就可以企前啲。(上次有无睇米奇老味？)上次有呀！(点解咁近又要睇多次？) 因为正啰！ (觉得新歌点？) 钟意〈兄弟〉𠮶个homie嘅情怀，觉得佢哋由中学识到而家好正，又可以一齐玩音乐。

Mi ：成班都系死穷撚！（你买VIP飞？）VIP飞。（点解你咁有钱买VIP？）因为我唔系“死穷撚”。（今日对于成功，有咩得著？）觉得同我做过嘅嘢差唔多，见到佢哋好似见到倒影咁，几好几好，继续加油。

Jessie ：好撚正！（之前有无睇过？）第一次。（咁耐先第一次？）之前成日都唔喺香港。（你喺边度返来？）英国。（特登返来睇？）系， International Low Mays Club ！

（点认识米奇老味？）因为佢哋劈友歌，劈友劈友劈友劈友......（边个介绍你听？）Youtube啰。

阿峰 ：今晚好正好high，啲歌好正！（你有无买VIP？）我无。（点解你有钱买 Supreme ，无钱买VIP？）迟咗买，无晒VIP抢晒。之前无睇过，第一次来，因为之前唔得闲来睇。系 YouTube 推荐我，听吓听吓就钟意咗。

（第一首弹出嚟系边首？）第一首系〈 富林太空站 〉，呢年先识佢哋，钟意佢地够癫，歌词好正。（羡唔羡慕佢哋咁有钱？）羡慕，我都想做人生赢家。（今日有咩得著？）知道如何踏上成功的第一步。（给我一句成功格言！）首先要去申请郊野公园。

Jeff ：今日睇普通位，我唔够啲“死穷撚”咁快争到VIP位！今次第一次睇。（点解你哋成班朋友都第一次睇？）因为我哋呢排开始听，𠮶排未有liveshow，系最近 Clockenflap 先有show。钟意佢哋够9。（点解你哋全部都咁有钱？）因为我哋全部系人生赢家，高级阶层。（做咩？）我哋都系博士。

Wlison：有人知道，便成班人嚟睇。（你哋点识？）成班都系大学Hallmate。（读咩？）Poly Engine （Engine唔系全部毒撚？）咁都有人生赢家。（经历今日点睇成功？）都无，我哋全部都系读名牌大学。

马太福音：好撚攰！好攰呀！好多谢咁多人嚟，多谢支持。See you Joe ，peace！

奶油多士：今日希望大家学到点做人生赢家，我哋而家就要返去，做人生赢家要做嘅嘢！就系食宵，同食你条菜！

健康华：今晚好有气氛，我好攰，我把声无咗。（下年系咪 STAR HALL ？）我....我...我唔讲得住（翁在旁边做手势）不过我哋有谂紧啲嘢啰，我唔讲得，哈哈......

睇完show食烟位见：