另类 Tinder 结缘 Science Noodles 的微噪半糖恋歌

神仙有话：估中咗个开头，估唔到个结尾。两位于 2018 年透过社交软件 Tinder 结缘的少男少女，竟然在四个月后，火速发展成推出八曲专辑的新锐乐队？？剧情如此峰迥路转，他们竟又已经推出第九首作品〈 Sweet Noise 〉，我们立刻找来这队 Science Noodles 的主脑啊悦做个简短访问，了解了解。

问：扭耳仔 答：啊悦

点样开始 Science Noodles 呢个 project ？

因为 Tinder match 到一个台湾女仔（晴子），倾计后发现大家都好钟意透明杂志，而我本身就话不如试下一齐作歌。（你玩 Tinder 个 location radius 去到台湾咁远？）系我八月去果面旅行时 match 到嘅 :D

乐队目前成员？大家如何认识？

本来系得我同晴子，后来朋友 Martin 加入成为结他手，佢再喺十一月左右揾嚟低音结他手 Yui 同埋鼓手啊亨。

音乐喜好上有咩共通点？

大家都系钟意英伦音乐，乐队嚟讲主要系 The Jesus and Mary Chain 、 Mild High Club 、 The Drums ， Wild Nothing 同埋九龙沙律 －〈 No Smoking Club 〉呢首歌我系参考咗佢哋首〈 Say Something 〉既唱法。（首歌讲乜？）希望朋友唔好食烟，健康啲。

你自己又中意听乜呢。

英伦嘢同埋日系 city pop，例如 Lamp，never young beach，Tempalay，Beach Fossils 、 Smith Westerns 、no buses。而自己最钟意嘅乐队系第一代 Yuck（前主音 Daniel Blumberg 离团前），畀我好多启发。

其实你同晴子两个有冇亲身 meet up 过？

我嚟紧会同晴子见面~

远距离创作系点玩法？难处大概想像到，但有冇咩好处呢？

我觉得困难系有演出嘅时候，大家可能未必参与到，亦可能要自费机票。但创作上系十分方便，因为音乐上我创作，晴子主要负责唱嘅部分，我地比较快完成一首歌。

由两个人创作变成一班人创作出嚟嘅音乐有咩分别？

我觉得两个人创作出嚟嘅音乐会比较快 因为好多时一班人只要其中有一两个比较唔得闲，就会拖长咗个 timeline，但同时可能一班人谂出嚟嘅音乐会比较细致啲同丰富啲。因为始终佢哋系精于自己𠮶样乐器，而我只系比较熟习结他同低音结他，编曲上难免比较简单。

Science Noodles 计划下一步？

出实体CD，同埋演出。