【Show 后烟】HYUKOH 香港站观众：我平时唔听韩国嘢！

扭耳仔除了听一众音乐人去论尽乐坛之外，都好想听到乐迷的心声！现带来【Show 后烟】这环节让大家在听完 Show 后将感受与我们慢慢分享！今次来到今好多indie乐迷入坑听韩国音乐的 HYUKOH show后食烟位。(摄影： Moment Hung )

HYUKOH，自2016年的Clockenflap来港演出后，众多indie乐迷被他们召入韩迷队伍，2017年来港开Music Zone专场门票被秒杀，今次转战更大的九展“UFO”场，更加开到两场。扭耳仔看的那场是加场，不是抢到秒杀门票的乐迷，反而是初尝“oppa”滋味的居多。

萧畅悦：“好好睇，好好 feel，佢哋系我听咗好耐嘅 band ，所以点都撑！”

Topaz：“好感动好想喊！(听到边首歌想喊？) 〈 LOVE YA ！〉好多只都有！(几时开始钟意佢哋？)今年无喇喇喺YouTube听到佢哋啲歌，就开始 Spotify 佢哋全部嘅歌，成日揸车或者做嘢都会播嚟听，听到好熟。(之前听唔听韩国嘢？)乜都唔听，只系听 HYUKOH 。(点解个个都咁讲？) 佢哋唔韩星，似系 international band，而唔系韩国 boy’s group 𠮶啲啰，所以有唔同。(在场也有见韩迷？)好多，好‘韩’呀！ (啲声点？) 开头主音有啲细声，中间有调整返，最尾都好好。第一次睇佢哋，觉得鼓佬好正好劲。”

Carman：“今晚个场啲声好拆，呢下令人 down 咗，但整体而言系睇得开心嘅，最正一首都系 〈 LOVE YA ! 〉。”

Gladys：“我本身好钟意 HYUKOH ！我觉得他们live的水准比想像中更加好，主音的声线非常之有质感，同时准绳度很高，特别钟意〈 TOMBOY 〉同〈 Gondry 〉，好多首都好钟意，同埋鼓手真系好靓仔！(几时开始钟意佢哋？) 一两年前，随机见到发现好正，之后下载佢哋所有碟返嚟听，跟住之后就迷上咗。我睇show好少背歌，今日睇发现原来我首首都好熟。(本身睇唔睇韩星？)唔钟意，佢系我唯一钟意嘅韩国bands！因为我钟意日本多啲！”

Gabe：“我今晚可以同我爱嘅人一齐睇好开心！我觉得Clockenflap喺呢个场地搞会几好，个场够暗，个声又好好，我好钟意！之前无睇过佢哋，近排先钟意，都系咁啱Spotify见到，(边首？)“Ohio”，favourite！”

阿星：“𠮶场劲多手机，佢好靓仔，佢可唔可以扑我！或者佢俾我扑！我觉得鼓手都OK！一齐来都OK！”

11月show后食烟位见：