柠檬鸡髀 - 优柔游 ：源于一种hea的概念

柠檬鸡髀的创作不只是清新与青春，在跃动的节奏中你可以听见细节，前主音“阿髀”离队到Yannis加入，新作更显制作上的进步，编曲比最大只的成员bass手阿凌更结实更丰厚。

〈优柔游〉嘅创作概念？

柠檬鸡髀：〈优柔游〉系源于一种hea嘅概念，优柔取自优柔寡断，呢个词语系比较负面嘅形容，通常优柔指一个人好逸恶劳，懒懒闲嘅性格，而寡断就指无主见，做事犹豫。反观香港呢一个急促嘅都市生活节奏，返工同吃喝玩乐都离唔开烦嚣闹市。有时大家都向往优柔寡断嘅一日洗涤心灵，而呢首歌正正想带出呢种无任何计划、唔需要做决定、随心所欲嘅度日态度。

这次混音上相比前作〈回首〉有很多嘅进步，而且编曲上多了很多合成器嘅部份，结他亦更突出，为何有这些想法？

键琴手Frankie：因为〈优柔游〉讲个人将自己放空去逃避呢个城市既烦嚣。喺Verse嘅旋律同编排较迷幻，想表达啱啱起身个一刻嘅模糊同放空嘅感觉， 有点不切实际的。去到Pre chorus同chorus正有一个反差回到现实，从系劳累嘅生活中既宣泄同挣扎，不时加啲合成器(synthesizer) 令幻想和现实的空间连接得更顺畅。

结他手鸡：〈优柔游〉结他部分上面，因为希望能让听众有一句一听就认得出嘅句子，所以选择写咗一句重复性较强嘅结他旋律，并想喺歌曲前段营造出较为懒洋洋嘅感觉，喺音色方面加入wahwah同较立体嘅delay，加强空间感。

柠檬鸡髀：Mixing(混音)方面，我哋今次多咗好多层track(轨道)，所以令到声音上面会丰富咗。

可以介绍一吓新主音？

我哋新Vocal(主音)叫 Yannis，喺2016年蒲窝青少年乐队大赛初次认识到柠檬鸡髀，亦因为当日既演出留下印象。机缘下见到招募新主音，当时Yannis自己乐队因为生活各散东西，亦想尝试加入做原创音乐嘅乐队，所以就放胆一试，日后希望享受每次演出并用歌声感染听众。

之前听过你们一首关于太空嘅〈??〉作品，现在有名字吗？

首歌最后命名为〈反重力旅行〉。其实构思源自现有太空旅行，而反重力就代表紧摆脱现实生活中既枷锁或压力，就好似离开左地球去到一个无顾虑嘅空间。

想hea就去睇show：