Novel Friday - Have A Good Time ：挨过FYP！Chill住全职做音乐

hip-hop唔系用来批斗的音乐，可以好chill，可以是愉快的生活态度！挨得过见尽人性黑暗的FYP，成为全职音乐人，终于可以chill住做音乐！

〈 Have a Good Time 〉整首歌的创作概念？

对上一张2017年尾的mixtape 《二十分之七》 完咗，跑完广东省巡演，就因为final year好忙，潜咗近半年水 ；每日做 FYP (final year project) 又会见证各种人性丑恶， 如表面同你好朋友，实质想套你料搞成点。个阿Sir又好重女(轻男)，唔会有心教你，慢慢又会俾班同学𠮶套“毕业后做Design/插画狗”潜而默化嘅想法洗脑，所以啲日子过得好不爽。

之后我五月生日，Dylan Hing (签我入 P.P.C. Records的人) 佢cover左 Post Malone 那段〈 Rock Star 〉当做生日歌俾我听，先醒返起自己存在意义同价值，因此抱住急不及待嘅心情，写咗首〈 Have a Good Time 〉。

这次的 beat 谁做？可以介绍一下？整首歌用了好多 auto tune ，为何有这种想法？

这首 beat 喺 rujay.com 买返嚟，因为(P.P.C.)厂内producer因私人事情隐退咗。

而 auto tune 嘅想法系 Dylan Hing 做录音监制时加入嘅想法，因为如果我玩 boom bap jazzy嘅风格，个用声就可以去得朴素啲，今年做比较多 melodic trap 嘅嘢，就会想尝试玩埋 auto tune 出嚟感觉 swag 啲，因此今年打后，多数作品都会顺住呢种玩法玩。

歌词中难过的日子是指？

难过日子如FYP时期面对嘅人同事； 想做音乐，但抽唔到身；厂牌成员又退出；屋企等私人事，堆叠一齐，就好撚负面，渡日如年咁。

最近全职做音乐？每日怎样过？

冇错，全职做音乐，都系好多人问嘅问题，我哋 P.P.C Reocrds 抛左钱，系葵芳租左间 studio， 除咗日常创作、录嘢、安排分配来紧每位 rapper 发布歌曲嘅顺序、揾媒体报导、寻找演出机会、倾赞助、衬衫、排练， 约吓行内前辈上嚟倾计学嘢！就当系一盘生意咁运行，跟著会发现“玩音乐”系好轻松 ，“做音乐”比你想中要花费嘅心血时间都要大。

当然演出和赞助商等，一定系多咗。好似而家咁，我今晚就喺台北有showcase，后日去广州 ，26号喺TTN又有show！(生活)最大问题都系租金同生活费，呢啲嘢其实一两日炒个散解决到，所以日日都〈 Have A Good Time 〉 !!!!

MV最后的电视和花样年华声带是伏线吗？

系！来紧mv我哋会玩到 marvel 式咁，每只都会有啲故事桥段重叠/穿插。
呢首 lo-fi 就唔系我嘅歌，记得跟实我哋来紧有咩动向喇！🤣🤣🤣