中年大叔重遇25年前茶餐厅女神　叹已变师奶！街坊：她后生时真靓

大家年轻时多少会有一些暗恋的对象，这位大叔也不例外。近日在社交平台facebook有一则帖文被网民热烈讨论，内容是一位大叔在25年前，曾经暗恋茶餐厅太子女，为了见到心仪的对象，他经常都去茶餐厅。事隔多年，他重游旧地发现太子女早已变成师奶，但有一件事始终如一。

大叔原本喜欢去长沙湾新华茶餐厅，但同事提及金园茶餐厅的太子女“超级靓”，所以一行人午餐改往金园茶餐厅，“𠮶个太子女负责坐收银，我哋成班傻仔，当然次次坐晒喺收银附近啲台𥄫佢，仲记得四人卡位我哋六条友迫埋坐。”虽然大叔每日都去茶餐厅偷看太子女，但始终没有胆量跟她说话，结果同事鼓气勇气追求太子女，“竟然仲要俾佢追到，我哋个个除咗只剩下咬牙切齿嘅失望，已经绝无其他⋯⋯”

太子女早已变成师奶

经过25年人事变迁，大叔早就没有在长沙湾工作。最近，大叔经过长沙湾，不忘到金园茶餐厅回味一下，“呢排咁啱经过，入嚟食过几次早餐，仲见返呢个靓靓太子女，但毕竟已经过咗25年，佢经由一个收银妹妹仔变成一个中年师奶。”大叔指收银位置放了一张全家幅，猜测她已经结婚生子，但相中男子并非他的旧同事，“睇佢一举手一投足，仲变咗呢间茶餐厅嘅揸fit人（主理人），不过佢嘅语气同把声都冇变。”

👇👇👇即睇网民留言👇👇👇

“当然佢亦都唔知我系边个⋯⋯”大叔在社交平台facebook专页“香港茶餐厅及美食关注组”，发长文怀缅过去暗恋太子女的往事，引起网民热烈讨论：“有故事有背景睇得开心”、“当年肯去马，可能依家坐喺阁楼捽紧脚趾”、“怀念啊我们的青春啊～确实系好珍贵嘅回忆”、“太子女后生时真系几靓”、“暗恋总比失恋甜蜜”、“深情回忆”。也不少网民都想知道太子女的外貌，据长沙湾街坊指，太子女虽然过了25年，但仍然优雅。”