扮美女约炮男友好小事！网民最癫拆穿偷食经历　安心出行最唔安心

人生如戏，大家身边都可能有比电视剧更荒谬的情节上演，近日有网民问大家“听过最癫系因为咩原因知道对方出轨”，原来用交友软体反呃另一半已非新鲜事，简单如电子磅App及安心出行都可泄密！

TVB剧集《美丽战场》热播，打著“港版《Penthouse上流战争》”的旗号，剧情大玩狗血路线，女主角陈滢惨被身边的人陷害，更差点被送入酒店房迷奸，不过人生如戏，其实大家身边都可能有比电视剧更荒谬的情节上演。

有网民近日在连登讨论区以“你听过最癫系因为咩原因知道对方出轨”开post，获大量网民回复，当中有不少情节的狗血程度都直逼“创作文”，最离奇是竟有人在下面相认，原来大家都目击事件发生！

👇点撃图片看最癫出轨情节👇

【1】听过最癫系个女仔check安心出行，发现咗个男仔上酒店

【2】因为我父母唔是太识用智能电话，𠮶阵我比较懒，帮手set机𠮶下用咗同一个gmail同apple account...然后悲剧就发生咗，两部机个相簿互通咗，一场家变就咁发生咗。老窦我对你唔住，我下次唔会再咁懒，如果有下次的话...

【3】个女仔放咗个电子磅喺个男仔屋企厕所，个磅系link落女方个app，之后个女仔见到个app弹通知，有个4X kg嘅人上咗个磅就估到系出轨

【4】Email收到买两张戏飞通知，card holder系陌生人，女友当晚话OT

【5】女仔喺交友app系咁开假ac match男友，男仔倾咗咁多个match个几月其实都系佢女友，最后女仔更扮“咪神”约男仔开房。

【6】公司男同事俾佢老婆发现偷食公司女同事，我哋一直以嚟都觉得佢系好好先生，对佢老婆好好，点知原来结婚前已经同女同事搞埋一齐。仲要我哋成班同事+女同事成日上佢哋屋企打边炉（利申 完全唔知佢哋有路），最后有一日佢老婆add晒我地入whatsapp group爆咗呢单嘢出嚟。最后听讲系因为俾老婆发现佢电话啲相先爆煲，依家唔知佢哋点，大家都疏远咗佢

【7】Staycation女友话从来冇去过，但一入大堂就link到Wi-Fi