00后港人移民英国　麦当劳打工1个月揭行内秘闻　最怕啲客咁做！

【英国 / 麦当劳 / 移民】居英港人越来越多，连登有位00后网民去年中学毕业便随家人移居英国，等待9月开学期间在英国麦当劳上班，在香港被视为“不太好做”的M记，原来在当地福利都算可以，但有些地方仍然令人好难接受！

👉移民加拿大4个月揾工处处碰钉　网民叹：真系冇连登仔讲到咁易

一名2021年DSE考生，去年中学毕业后跟家人移居到英国，正等待9月开学的他都有积极返Part Time赚零用钱，最近已在英国的麦当劳上班了1个月！楼主更在连登开Post玩你问我答，引来很多网民好奇当地的打工生活，原来有件事令他觉得好难顶…

👉英国移民4个月KOL叹：连食乜都冇自由　过来人揭移英8大生活问题

【Q1】人工及基本资料？

返紧英国西南部麦当劳，时薪£9.75（港币约$91），扣完NI（国民保险）大约£9.3（港币约$87）。

【Q2】有咩福利？员工餐点计？

返8个钟以上包一餐，用计分制（每人一餐4分）。基本食物饮品，即系大部分burger、汽水、雪糕、咖啡、薯条1分，frappe、wraps同期间限定食物就2分，4分都食到一个set meal加一份甜品或小食。

收银机有员工优惠呢个选择，平时食应该都有员工价，不过我未试过用唔知折几多。

👉香港KOL移英半年经历5大理想与现实：多偷车贼、前后门要加4把锁

【Q3】点解每次等餐闲闲哋都要十几分钟？

我返紧𠮶间砌包有两条line，不过堂食、外卖、drive thru（驾车外卖，途中不用下车）同delivery都排同一条队，遇著啲大单可能就要等耐啲，同埋有时一次过有好多uber eats𠮶类delivery单。好似大部分时间都系等嘢食，因为嘢饮通常比较快准备好。

【Q4】咩餐最抵食？

净系讲价钱，wrap of the day（直译墨西哥卷饼日）嘅medium餐应该最抵（大约£3.5，港币约$33），其他medium餐好似都要£4（港币约$37）以上。M记app间唔中有啲优惠，好似我上星期买big mac都只系99p（港币约$9.25）。

【Q5】点解英国啲麦乐鸡咁难食，完全冇味？

英国禁好多添加剂，所有嘢食包括啲酱汁都冇香港咁好食。

【Q6】次次叫亲麦乐鸡外送都冇畀酱我点...

我𠮶间会放个酱落饮品𠮶个袋度，不过可能间间唔同，冇酱嘅话一系就忙得滞睇漏，一系就觉得唔系自己负责（砌嘢食以为饮品𠮶个负责，饮品𠮶个以为嘢食负责）如果你用外卖平台嘅话，可以试下叫车手帮你攞酱，我见有啲车手都会问。

【Q7】系咪要英文好好？

最难顶系用英文收银落单，尤其系drive thru靠对讲机，第一日返嘅时候train过两三个钟，完全搞唔掂，不过佢可能都知我唔得，冇再要过我去做。

除咗呢样之外，做其他位都唔使英文好好。出餐嗌得啱晒啲单number、听得明个客要salt定ketchup定纸巾就掂。唔对客嘅话，最基本认到晒menu上面每个item啲名，同埋train𠮶阵听得明佢教你点做就得。

同场加映：移民英国职场文化难适应　网民叹被6个“伏位”玩残：香港唔会咁

近来不少香港人移民外国后，在网上分享所见所闻，以及生活心得。当中常见的讨论之一，是关于就业及职场的文化差异。最近有网民在Facebook上发文，指进入英国职场之后，遇见多个难以适应的伏位。

👉移民英国职场文化难适应　网民叹被6个“伏位”玩残：香港唔会咁