中大生遇地表最强Freerider最后才现身　楼主出大绝收服网民激赞

相信如果有得拣，唔少同学仔宁愿自己做晒一份project，都唔会想同人做一份group project。皆因group project依家嘢，十次几乎有九次都离唔开一个“伏”字，先不论大家能力不同、进度不同这些需要磨合的东西，遇上乜都唔做的freerider也是小事，最怕遇上麻烦多多，看似有做或想做嘢，其实唔做好过做的group mate！

有网民近日在Facebook的“CUHK Secrets”上投稿，分享了一则自己读书时做group project，不幸遇上一个乜都唔识的麻烦gp mate。原PO表示当时读某一科需要做gp project，虽然可以自己一组，但因为唔想自己一个交，便求其在班上揾了一个陌生人组gp。

👉🏻 👉🏻 👉🏻中大公屋仔后悔弃选医科只能做中产　千字文呻：医生先做到上等人

然而，两人交换联络方式后，对方便从此神隐，而原PO亦估到对方想放飞机，便默默努力自己做好份project。有趣的是对方竟在临交当日突然又联络返原PO，更话自己唔记得咗，问有冇嘢要做。整份报告其实已完成大半，不过看在系自己揾对方组gp先，便给决定对方做一些剩余的部份。

原PO一路比资料对方睇，一路问佢有冇唔明的地方，对方一路坚称自己明，但最后都系乜都冇做过。此刻，原PO才发现原来佢根本乜都唔识，教完佢点系Google揾，都是一副希望人哋直接比答案自己的样子“你唔识个啲嘢，啲source 系多到用中文同广东话讲嘅都有一大堆，跟住同我讲你唔识？同埋我都几肯定你唔识个啲嘢year 1有教啰。 ”。

最令人反白眼的地方，是当原PO不肯将答案话比这位group mate听时，对方竟然仲怨佢点解唔比答案佢！“佢嘅态度真系灾难，俾埋source 佢睇，佢都嗌睇唔掂，其实佢态度系一直系想我直接俾答案佢，喂埋佢食咁款，仲要系咁怨我点解唔话佢知答案，大佬呀，你边位呀？”

👉🏻 👉🏻 👉🏻姜涛生日｜16年信和老店主　见证追星文化演变：镜粉创意前所未见

最后原PO一于少理，自己做晒份project就交上去，因为不需事先填group member list的关系，他更加连投诉对方freeride的功夫都悭埋。“我故意突然系deadline 时间前几分钟，先同佢讲话我会自己交，自己一组，仲温馨提示咗佢，如果你交我比你个份半完成作品上去，有机会会plagiarism”对方听后亦发老脾话，最多咪唔交！不少网民看毕此post后，都纷纷表示勾起了自己曾遇过极品gp mate的经验，更指所有gp project一律建议自己一组，十分搞笑！

👇🏻👇🏻👇🏻点击图片放大看：网民点睇Freerider教极都唔做仲怨唔比答案！👇🏻👇🏻👇🏻

犹记得小编读大学的时候，有一次同人做group project，明明每次开会我都会打好多idea上去份doc到，但次次都比个所谓group mate话唔啱心水，然后自己del晒佢。最后，佢竟然衬小编唔系香港嘅时候，同教授投诉我freeride，话所有嘢都系得佢做，真系委屈到当场喊咗出嚟。唔知大家又有冇遇过啲咩令你印象深刻的奇怪group mate呢？

👉🏻 👉🏻 👉🏻中大生列香港各学系前途排名　B级以上得8科？网民：价值观扭曲

同场加映：DSE经济科惊现《试当真》 开骚卖飞变试题　游学修IG公布正确答案

2022年DSE经济科卷一卷二 5月３日开考，当中卷一共有40条选择题，其中第10条问题提及去年《试当真Trial & Error》举行两场现场骚，门票售卖以减价拍卖方式，由开售首日每张一万元，每24小时减价一次，减至最后一日的十蚊出售，问此种销售方式的功能及原因。惹来网民热话，而游学修更在IG出PO 亲解答题！

点击连结看全文：DSE经济科惊现《试当真》 开骚卖飞变试题　游学修IG公布正确答案