MIRROR演唱会优先飞1小时售完 网民嬲爆Cut卡 前夫F5失败要瞓街
【MIRROR/MIRROR演唱会/前夫/优先购票】镜仔优先发售客户放宽要求，你以为就买到飞？事实上前夫们疯狂F5依然买唔到，Server疑似已死，银行又不审批信用卡申请，相信好快有苦主要准备执包袱瞓街！
👉MIRROR演唱会丨网民对比海报看最新上弦版图 Anson Lo占姜涛C位?
MIRROR演唱会《MIRROR.WE.ARE Live Concert 2022》今（4月29日）早开始优先发售，即使今次开10场红馆都一票难求，已经全数售罄，网上继续有大量连卖飞页面都入唔到，不断F5再F5的网民。
昨日（4月28日）Citibank宣布优先购票的客户放宽到Citi The Club信用卡所有持卡人，引来镜粉即时交表，不过申请一直未获批，热线亦打不通，被怀疑Server已死。
👉FaceApp大脸功能实测 MIRROR十二子瞬间变肥佬 边个肥咗都型仔?
FB“我老婆嫁左比Mirror导致婚姻破裂关注组”一众前夫亦在群组哀嚎，版主出post表示：“我自己买唔到，相当合理嘅…但今次好似成个宇宙都无人买到，Citi会唔会破完一日内最多人申请信用卡嘅记录之后，再破一日内最多人cut卡嘅记录？距离瞓街又迈进一大步！”
《开罐》找到其中一名有份开post的前夫Sam，他向记者表示，由于工作关系未能长期F5，其实内心已打定输数，虽然仍开著电脑“得闲望下”，可惜奇迹没有发生。
Sam坦言希望下次售票时可以买到飞：“我成日觉得Fans锡MIRROR肯定多过佢哋锡Fans，真系想MIRROR放多啲飞畀镜粉。特别系前夫，佢哋绝对系最值得被表扬嘅人种，MIRROR绝对最要多谢班前夫。”
👇点撃图片看前夫崩溃留言👇
👉薛凯琪新相被指变样 林明祯、许轶10位年轻女神出道VS现在对比照
此外，网民亦于Citibank社交平台留言洗版投诉：“出得呢个condition都预咗好多新客户申请，又唔预多啲人手批核同听电话。交齐文件几日都未批，今日post今日deadline，玩死人咩？”、“旧客都要补交文件，又批唔到卡，根本呃人申请，多谢citibank助长黄牛”。
抢飞抢到怀疑人生，又想入场看MIRROR点算？网民也严选了数个可以另类入场的方法，包括做红馆带位员、等5月入官方歌迷会买票、以及求MakerVille将尾场变成收费形式的网上演唱会等，总之坚拒帮衬黄牛。
同场加映：MIRROR官方Fans club成立 10个镜粉等级表 测你系咪骨灰级铁粉
MIRROR 近日频频报复式曝光，除了Chill Club年度推介颁奖礼上成大赢家，又有新团歌Innerspace，又公布7月红馆开10场演唱会。今日（27日)电讯盈科旗下新公司，由鲁庭晖揸旗的MakerVille将开记招，更宣布5月成立MIRROR官方Fans club。👉镜粉等级表