数据分析香港10大电竞女神 Rose ma仅排第三？ 冠军毫无悬念
呢几年，互联网上兴起直播热潮，好多人都钟意睇人哋直播，无论系吹水、唱歌、打机定系做其他嘢，总之你讲得出嘅，都会有观众睇。咁多直播主，要受欢迎都唔系易事。不过呢，香港人就好简单直接嘅，做咩唔紧要，最重要系外表出众。咁多个直播主，多数又以靓女直播主最受欢迎，真系唔打得都睇得！今日DailyView就用互联网大数据话你知，香港十大最受欢迎嘅Twitch界靓女直播主系边十个啦！
NO.10 樱花丸
如果要数Twitch直播界嘅靓女文青，我哋就一定要留意樱花丸喇！樱花丸唔单止打机叻，仲要系读时装设计系，系一位出色嘅绘画家。樱花丸嘅靓，唔同其他女仔，相当有佢个人风格、特色。近日佢宣布自己要玩《仁王2》，下面即刻有大堆留言，话期待樱花被虐嘅表情㖞。要睇佢点玩，就留意佢直播喇。
NO.9 小小悠
小小悠，喺香港打机界知名嘅靓女直播主，身兼多职，好似旁述、主持、实况主咁，佢都有份做。小小悠仲系港台澳Raindow six比赛“地伏杯”主办，Raindow six呢只即时射击Game，有好多唔同嘅战术、玩法，深受香港玩家欢迎。小小悠除咗打机，周不时都喺IG、FB发福利照，真系唔可以错过呀！网民：“日日睇佢开台，真系好开心。”
NO.8 Sleepyz
Sleepyz，喺PandaCute 嘅职业电竞选手，专玩《星海争霸 II》、《英雄联盟》，星期一至五都会喺Twitch直播开台，个性大方开朗，平易近人。唔怪得一众Fans都力赞Sleepyz，话佢颜值高，打机又劲喇！佢话自己成日都好眼瞓，所以叫做Sleepyz。但睇佢打机就好精神，睇嚟真系用生命值去打机㖞。网民：“睇佢打机紧张到个人醒晒！”
NO.7 Bella Lee
Bella Lee，曾经系香港Forger Valkyrie女子职业电竞战队嘅队员，现任PandaCute嘅职业电竞选手，专玩《英雄联盟》，日日对住Keyboard、Mouse八粒钟，只系为咗技术愈嚟愈好。Bella话自己系体内住著男生魂嘅女仔，但呢个女仔嘅外表，喺好多Fans眼中，绝对可比明星咁靓女，日日都要睇佢台。网民：“Bella打上路打得好劲呀！”
No.6 Fufu Sama
相信唔少网民都好熟Fufu㗎喇，佢个名时不时都会喺连登出现，唔少巴丝打都有mon住Fufu嘅动态。点解Fufu咁多人识？因为佢除咗时不时开直播打机同唱歌之外，仲系一个Cosplayer嚟，网上有唔少佢靓靓相流传，深得一众动漫迷喜爱同追捧啊！睇住冇Cosplay，冇上晒妆嘅清纯Fufu打机，真系咪话唔正啊。网民：“Fufu街坊look真系好girlfriendable啊！”
NO.5 LILYBBB
LILYBBB，即系LILY雅丽，系香港相当知名嘅靓女直播主，佢精于《绝地求生》、《英雄联盟》等即时对战Game，技术相当唔错。不过大家睇佢，都未必全部因为佢打机叻嘅，更加重要一点，系LILY青春嘅外表，好似the girl next door咁，畀人一种初恋嘅感觉。单系IG，张张相都破千，都咪话唔劲！网民：“LILY，can you be my BB？”
NO.4 蒽蒽
陈雪聪，又或者讲返个大家都知嘅花名，蒽蒽。喺咁多女性直播主入面，蒽蒽系相当后生嘅一个，1998年出世，而家先21岁。不过佢人仔细细，成就已经不容忽视，作为KOL，佢2013年已经搞紧Youtube channel直播游戏实况。之后亦都有喺Twitch直播打机，蒽蒽青春动人，难怪吸引咗咁多Followers收睇嘅。网民：“蒽蒽，令我初恋嘅感觉。”
NO.3 Rose ma
香港电竞女直播主入面，Rose ma 马俊怡成名好早，人称“小马”、“马马”嘅佢，为人相当真性情，直接坦诚嘅言行，系佢吸引好多Fans嘅其中一个原因。主要原因系咩？梗系因为Rose ma有模特儿嘅外表、身形，唔单止成日有活动，仲出过写真集，主持节目，拍埋电影，真系打机界嘅才女呀！网民：“好想送支Rose畀小马！”
NO.2 小云宝宝
谢天云，直播界广为人知嘅名，叫做小云宝宝，佢自言要用颜值征服人心，凭借佢劲爆嘅身材，俏丽嘅外表，又真系成功征服咗唔少男性Fans嘅心。小云宝宝喺打机界都几有资历，曾经系前AHQ Girls女子战队队员，而家目前主力直播打机，除咗喺Twitch，亦有喺越南兴起平台NONO LIVE做直播，好受欢迎。网民：“我都想做你个宝宝呀！”
NO.1 Deer Chan
香港“电竞女神”嘅女直播主，Deer Chan，原名陈嘉靖，又有人叫佢做“鹿儿”。Deer最初喺2016年加入香港第一队《英雄联盟》嘅女子职业电竞队，仲做埋队长。佢出众嘅外表，苗条嘅身材，自然令佢系打机界吸引咗好多男性Fans。Deer而家成日都喺Twitch做直播，次次都好多观众，第一名当之无愧！网民：“Deer can you be my dear？”
DV小教室：互联网温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。“互联网热度”为主题项目相关的互联网posts和comments ，数值愈大代表主题项目的讨论度愈高。
延伸阅读：
不是只有便宜才想用！网友眼中的共享机车交通新趋势 你跟上了吗？
太正经就浑身不对劲！15大干话系YouTuber就是要废到笑
【本文由“DailyView互联网温度计”授权转载，研究资料由“KEYPO大数据关键引擎”提供。】