本地广告公司老板逆市请人　推4.5天工作　难忘90后员工一句话

“作为 HR 主管，我永远唔会请90后！90后只会连累公司！”“唔挨得，成日净系识准时收工，唔肯加班。”“无责任心”、“唔肯OT”、“做嘢无交带”云云……网上讨论区如是说。对90后职场新手的印象更是一面倒的劣评。

80后本地广告公司老板黄浩霖（ Pierre ），却为一众年轻打工仔平反，“其实90后都差唔多30岁，已经开始踏入黄金期，佢哋先有𠮶代最好嘅谂法喺度。好多时HR 同老板觉得90后点点点⋯⋯其实系佢哋有太多固有睇法，觉得一个后生仔应该系点。”

30出头的 Pierre 四年前创立广告公司 JP Agency，公司过半数同事都是 90 后，面对一众年轻的脸孔，他自言别有一套沟通技巧。“‘你！听我讲，照我方法做’一讲呢句，包佢肯定听唔入耳，无人会钟意人哋摆起个老细款啦！”

倡管理人性化

有网民于讨论区发文，点列出 90 后七宗罪，“唔肯OT”、“无责任心”、榜上有名。“点解要 OT ？唔使 OT 其实系好事，反映佢工作效率高啰！” 与新一代朝夕相处多年， Pierre 却指90后的尽责，让他印象深刻。“ 我经常强调公司冇规则，但最紧要个心要喺公司。”Pierre 的公司一星期只返4.5日工，星期五下午一点便收工；员工每年有15日大假，还有生日假；返工迟到也不会扣薪，“同事有时做嘢会迟走，而且回公司途中已办公”。心系公司更重要

年初，同事们见有廉航机票去台中，便邀 Pierre 同游。一行8人的快闪团，让为人老板的他深受感动。“佢哋半夜一上到房，就喺个袋拎部电脑出嚟，趴喺床度覆 email。我仲问佢哋咩事......他们说我们要回复客户名单，每晚都要回复。我觉得很感动，他们对公司的事比我还上心，他们真的放个心在公司。”

Pierre 坚定的说，“你感觉到佢哋投入，同我自己做老板系一样嘅，你就会觉得很了不起。呢个正正就系分别，心喺度定个人喺度，我宁愿佢哋个的心喺度”。

无惧疫情逆市请人

“好记得我哋最消沉嘅时候，因为一个 Project 蚀咗好多钱。我坐低第一句就同佢哋讲，‘对唔住，系我守得唔好’”Pierre 忆述当时情形不禁有点感慨，笑言有点眼湿湿， “个会就好似大家嘅心灵交流会。我记得我哋个 Creative Director (创意总监) 同我讲，佢平时系啲好 Cool 嘅人，佢话‘ 你仲有我哋吖嘛’，哗！𠮶一刻，我觉得一切都变得有意义。”

Pierre 直言经此一役，生意上是亏了点钱，但往后半年的事气却提升了不少。公司更积极扩展业务，无惧疫情阴霾逆市请人。“过去半年感觉到同事非常凝聚，就算蚀咗啲钱，但我相信这种 momentum (动力)，会令我哋走得更远。”